Odia Spot News | ଓଡିଆ ସ୍ପଟ୍ ନ୍ୟୁଜ୍
banner

RURAL

ମୁଖ୍ୟ ଖବର

    ଷଣ୍ଢ ପଡ଼ି ଭାଙ୍ଗିଲା ଆଜବେଷ୍ଟ; ଶିଶୁ ମୃତ

    Share on :
    ajab-Image
    Date: Jul 15, 2019    Views: 299

    ଭଦ୍ରକ / ଚାନ୍ଦବାଲି : ଭଦ୍ରକ ଜିଲା ଚାନ୍ଦବାଲି ବ୍ଲକ ଅନ୍ତର୍ଗତ ହଳଦିଆ ଗ୍ରାମରେ ରବିବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ଷଣ୍ଢ ଘରର ଆଜବେଷ୍ଟ ଉପରେ ପଡ଼ି ଆଜବେଷ୍ଟ ସହ ଭାଙ୍ଗି ତଳେ ପଡ଼ିବାରୁ ଏକ ୨ବର୍ଷ ଶିଶୁର ମୃତ୍ୟୁ ହୋଇଥିବା ବେଳେ ତା’ମା’ ଓ ଜେଜେମା’ ଆହତ ହୋଇଛନ୍ତି। ନାବାଳକ ଜଣକ ହେଉଛନ୍ତି ପ୍ରଣବ ବେହେରା। ଘଟଣା ଘଟିବା ପରେ ଶିଶୁ ଆହତମାନଙ୍କୁ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ମାତ୍ର ଡ଼ାକ୍ତର ସେଠାରେ ଶିଶୁଟିକୁ ମୃତ ଘୋଷଣା କରିଥିଲେ। ସୂଚନା ଅନୁଯାୟୀ, ଗ୍ରାମର ଘରର ଗୋଟିଏ ପରିବାରର ମା’, ଶିଶୁ , ଜେଜେମା’ ରାତିରେ ଘରେ ଶୋଇଥିଲେ। ଏହି ସମୟରେ ଆଜବେଷ୍ଟ ଘର ନିକଟରେ ଥିବା ଛାତ ଘରକୁ ଏକ ଷଣ୍ଢ ଘାସ ଖାଇବାକୁ ଯାଇ ଆଜବେଷ୍ଟ ଘର ଉପରକୁ ଚଢି ଯାଇଥିଲା। ଭାରସାମ୍ୟ ହରାଇ ତଳକୁ ଖସି ପଡ଼ିଥିଲା। ଫଳରେ ଏଭଳି ଏକ ଘଟଣା ଘଟିଛି। କିଛିଦିନ ତଳେ ନାବାଳକଙ୍କ ବାପାଙ୍କ ମୃତ୍ୟୁ ହୋଇଥିଲା। ଆଜିର ଏହି ଘଟଣାଟିରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

    Maximum 500 characters

    Find Us on Facebook