Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ପିଏସଏଲଭି-ସି୪୮ ଉତକ୍ଷେପଣ

ଡିଏଭି ଆଞ୍ଚଳିକ ନିଦେ୍ର୍ଧଶକଙ୍କୁ ଓଏସସିପିସିଆରଙ୍କ ନୋଟିସ

କେନ୍ଦ୍ରାପଡ଼ା: ଝାମ୍ପିଦେଲେ ୪ ଲକ୍ଷ

ଶିକ୍ଷାଦାନ ଏକ ମହାନ ବୃତ୍ତି : ମୁଖ୍ୟମନ୍ତ୍ରୀ

ଆଜି ଠାରୁ ହିଁ ଭଙ୍ଗା ହେବ ବିଧାୟକ କ୍ୱାର୍ଟର୍ସ, ସ୍ପଷ୍ଟ କଲେ ବାଚସ୍ପତି

ମୋବାଇଲରେ ଗପି ଶିକ୍ଷକ ନିଲମ୍ବିତ

ମୁଖ୍ୟମନ୍ତ୍ରୀଙ୍କୁ ଭେଟିଲେ ଛତିଶଗଡ଼ ଗୃହମନ୍ତ୍ରୀ

ବାଇକ ଦୁର୍ଘଟଣାଗ୍ରସ୍ତ, ୨ ମୃତ

୭ ଲକ୍ଷ ଟଙ୍କାର ଧାନ ପାଉଁଶ

ବିଜେଡି ଓ ବିଜେପି ବିରୋଧରେ ବର୍ଷିଲେ ଶରତ

ଏନକାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ଗୁରୁତର

ଲିଙ୍ଗରାଜଙ୍କ ଚତୁଃପାଶ୍ୱର୍ରୁ ଉଚ୍ଛେଦ ଜାରି ରହିବ: ବିଏମସି କମିଶନର

ରଣଜୀ ଟ୍ରଫି, ଓଡ଼ିଶାର ଇନିଂସ ବିଜୟ

ରାଜ୍ୟସଭାରେ ଆଗତ ହେଲା ନାଗରିକତା ବିଲ

banner

ବିଶେଷ

ମୁଖ୍ୟ ଖବର

    ‘ଯୁବ ଭାରତ’ ବାର୍ଦ୍ଧକ୍ୟ ଆଡକୁ ମୁହାଁଉଛି

    Share on :
    ajab-Image
    Date: Jul 6, 2019    Views: 113

    ନୂଆଦିଲ୍ଲୀ: ଭାରତକୁ ଯୁବକମାନଙ୍କ ଦେଶ କୁହାଯାଉଛି । ଯୁବଶକ୍ତି ପାଇଁ ଭାରତର ବିକାଶ ତ୍ୱରାନ୍ୱିତ ହେଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଯୁବଶକ୍ତିର ସୁବିନିଯୋଗ ଉପରେ ଅଧିକ ଗୁରୁତ୍ୱ ଦେଉଛନ୍ତି । ନିକଟରେ ସରିଥିବା ଲୋକସଭା ନିର୍ବାଚନରେ ୪୫ ନିୟୁତ ନୂତନ ଯୁବ ଭୋଟର ସାମିଲ ହୋଇଥିଲେ । ଦେଶରେ ନୂଆ ସରକାର ଗଠନରେ ସେମାନେ ପ୍ରମୁଖ ଭୂମିକା ନେଇଥିଲେ ବୋଲି କୁହାଯାଉଛି । କିନ୍ତୁ ଏହି ଯୁବ ଭାରତ ଏବେ ବାର୍ଦ୍ଧକ୍ୟ ଆଡକୁ ମୁହାଁଉଛି । ବୟସ୍କଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ଆସନ୍ତା ୨ ଦଶନ୍ଧି ମଧ୍ୟରେ ଭାରତରେ ଜନସଂଖ୍ୟା ବୃଦ୍ଧି ହାର କମିବ ଏବଂ ବୟସ୍କଙ୍କ ସଂଖ୍ୟା ବଢ଼ିବ ବୋଲି ୨୦୧୮-୧୯ ଅର୍ଥନୈତିକ ସର୍ଭେ ରିପୋର୍ଟରୁ ଜଣାପଡ଼ିଛି । ପଞ୍ଜାବ ଓ ହିମାଚଳ ପ୍ରଦେଶରେ ବରିଷ୍ଠ ନାଗରିକଙ୍କ ସଂଖ୍ୟା ବୃଦ୍ଧି ପାଇବ । ୨୦୩୦ ସୁଦ୍ଧା ପଞ୍ଜାବ ଏବଂ ହିମାଚଳରେ ଯୁବଗୋଷ୍ଠୀଙ୍କ ତୁଳନାରେ ବୟସ୍କଙ୍କ ସଂଖ୍ୟା ଯଥେଷ୍ଟ ବୃଦ୍ଧି ପାଇବ । ଜନ୍ମହାର କମୁଥିବାରୁ ଏହି ୨ଟି ରାଜ୍ୟରେ ଯୁବପିଢ଼ିଙ୍କ ସଂଖ୍ୟା କମିବାରେ ଲାଗିଛି । ସେହିପରି ପଶ୍ଚିମବଙ୍ଗ ଏବଂ ମହାରାଷ୍ଟ୍ରରେ ମଧ୍ୟ ସମାନ ସ୍ଥିତି ଉପୁଜିବ ବୋଲି କୁହାଯାଉଛି ।

    ଜଣାପଡ଼ିଛି ଯେ ଦେଶର ମୋଟ ଜନସଂଖ୍ୟାରେ ଶୂନରୁ ୧୯ ବର୍ଷ ବୟସର ଜନସଂଖ୍ୟା ୨୦୧୧ ରେ ସର୍ବାଧିକ ୪୧ ପ୍ରତିଶତ ଥିବା ବେଳେ ୨୦୪୧ରେ ଏହା ୨୫ ପ୍ରତିଶତକୁ ହ୍ରାସ ପାଇବ । ଅନ୍ୟ ପକ୍ଷେ ବୟସ୍କଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବ । ୨୦୧୧ରେ ୬୦ ବର୍ଷରୁ ଅଧିକ ବୟସ୍କଙ୍କ ସଂଖ୍ୟା ମୋଟ ଜନସଂଖ୍ୟାର  ୮୬ ପ୍ରତିଶତ ଥିବା ବେଳେ ୨୦୪୧ ରେ ଏହା ୧୬ ପ୍ରତିଶତରେ ପହଞ୍ଚିବ । ଭାରତର ପ୍ରଚଳନ ହାର କମୁଥିବାରୁ ଜନସଂଖ୍ୟାରେ ଏଭଳି ପରିବର୍ତ୍ତନ ଦେଖାଯାଉଛି । ପଞ୍ଜାବ ପରି ରାଜ୍ୟ ୨୦୧୬ରେ ସମୁଦାୟ ପ୍ରଚଳନ ମାତ୍ରାରେ ୧.୭ ପ୍ରତିଶତରେ ପହଞ୍ଚିଥିଲା । ଏବେ ଜାତୀୟ ସ୍ତରରେ ମୋଟ ପ୍ରଚଳନ ହାର ୨.୩ ଥିବା ବେଳେ ଏହା ୨୦୨୧-୪୧ ବେଳକୁ ଦ୍ରୁତ ଗତିରେ ହ୍ରାସ ପାଇବ । ୨୦୨୧ ବେଳକୁ ସମୁଦାୟ ପ୍ରଚଳନ ହାର ୧.୮ରେ ପହଞ୍ଚିବ ଏବଂ ପରେ ଏହା ୧.୭ ରେ ପହଞ୍ଚିବ । ତେବେ ପଞ୍ଜାବ, ହିମାଚଳ ଏବଂ ଦକ୍ଷିଣ ଭାରତରେ ଜନସଂଖ୍ୟା ହାରରେ ଯେଉଁଭଳି ପରିବର୍ତ୍ତନ ଦେଖାଦେଇଛି ତାହା ଦେଶକୁ ଏକ ବୟସ୍କ ସମାଜ ଆଡକୁ ମୁହାଁଇ ନେଉଛି ।

    Maximum 500 characters

    ବିଶେଷ View all

    Find Us on Facebook