Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

Kanhu ଚରଣ ପଟ୍ଟନାୟକଙ୍କ ବିରୋଧରେ ସ୍ବାଧୀକାର ପ୍ରସ୍ତାବ ଆଣିଲେ ନରସିଂହ

2020 ମାର୍ଚ୍ଚ ମଧ୍ୟରେ ସବୁ ଗାଁକୁ ପାଇପ ଯୋଗେ ପାନୀୟ ଜଳ

ସୁରୁଖୁରରେ ଚାଲିଛି ବିଧାନସଭା

banner

ସଂସ୍କୃତି

ମୁଖ୍ୟ ଖବର

    ପହିଲି ରଜ

    Share on :
    ajab-Image
    Date: Jun 14, 2019    Views: 187

    ଭୁବନେଶ୍ୱର: ଆଜି ହେଉଛି ଓଡ଼ିଶାର ଗଣପର୍ବ ରଜ । ପହିଲି ରଜରେ ଗାଁ ଠୁ ସହର ଯାଏଁ ଧୂମଧାମରେ ପାଳନ ହେଉଛି ରଜ । କୁଆଁରୀ ଝିଅଠାରୁ ଆରମ୍ଭ କରି ମହିଳାମାନେ ବେଶ ଆନନ୍ଦ ମନରେ ରଜ ପାଳନ କରୁଛନ୍ତି । ଘରେ ଘରେ ସବୁ ଝିଅ ବୋହୁମାନେ ନୂଆ ପୋଷାକ, ଶାଢ଼ୀ ପିନ୍ଧି ଦୋଳି ଖେଳୁଛନ୍ତି । ଏହା ସହିତ ପୋଡ଼ ପିଠା ସହିତ ରଜ ପାନର ମଧ୍ୟ ମଜା ନେଉଛନ୍ତି ।  ରଜ ଓଡ଼ିଶାର ଏକ ପାରମ୍ପାରିକ ପର୍ବ ଓ ରାଜ୍ୟର ଗଣପର୍ବ । ଏହା ତିନିଦିନ ଧରି ପାଳନ କରାଯାଇଥାଏ । ପ୍ରଥମ ଦିନକୁ ପହିଲି ରଜ କୁହାଯାଇଥାଏ । ଏହା ଚାଷର ଆରମ୍ଭକୁ ସୂଚାଇଥାଏ । ରଜ ଶବ୍ଦର ଆକ୍ଷରିକ ଅର୍ଥ ରଜବତୀ ହେବା, ଯାହା ପୃଥିବୀକୁ ମାତା ଭାବରେ ବିବେଚନା କରି ବର୍ଷାର ଆଗମନରେ ସେ ରଜସ୍ୱଳା ହେବାର ଓ ନୂଆ ଶସ୍ୟ ଜନ୍ମ ହେବାର ସାଙ୍କେତିକ ଭାବ ବହନ କରିଥାଏ । କୁହାଯାଏ କି ଏହି ଦିନରେ ଧରତ୍ରୀମାତା ରଜସ୍ୱଳା ହୋଇଥାଏ । ସେଥିପାଇଁ ତିନି ଦିନ ପୃଥୀବୀ କିଛି କଷ୍ଟ ଦିଆଯାଏ ନାହିଁ । ସେଥିପାଇଁ ଭୂ ଖନନ କାର୍ୟ୍ୟ ମଧ୍ୟ କରାଯାଏ ନାହିଁ । ଏହି ତିନି ଦିନରେ ଚାଷୀମାନେ ବସୁମତୀ ତଥା ହଳଲଙ୍ଗଳ ପୂଜନ କରିବା ସହ ଚାଷ କାମରୁ ତିନି ଦିନ ପାଇଁ ବିରତି ନେଇଥାନ୍ତି । ବିଶେଷ କରି କୁଆଁରୀ ଝିଅମାନଙ୍କୁ କିଛି କାମ କରିବାକୁ ଦିଆଯାଏ ନାହିଁ । ଝିଅମାନଙ୍କୁ ଖାଲି ପାଦରେ ଚାଲିବାକୁ ମନା ହୋଇଥାଏ । ସେମାନଙ୍କୁ କଦଳୀ ପାଟୁଆରେ ନିର୍ମିତ ଚପଲ ପିନ୍ଧିବାକୁ ଦିଆଯାଏ । 

    Maximum 500 characters

    ସଂସ୍କୃତି View all

    Find Us on Facebook