Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଯୋଜନା ଓ ବିକାଶ

ମୁଖ୍ୟ ଖବର

    ଜାନୁଆରୀ ୨୬ ସୁଦ୍ଧା ମିଳିବ ‘କାଳିଆ’ ସହାୟତା

    Share on :
    Date: Jan 12, 2019    Views: 71

    ଭୁବନେଶ୍ୱର : ଆସନ୍ତା ଜାନୁଆରୀ ୨୬ ସୁଦ୍ଧା ‘କାଳିଆ’ ଯୋଜନାର ହିତାଧିକାରୀମାନଙ୍କୁ ଅର୍ଥ ପ୍ରଦାନ କରାଯିବ  । ଖାଦ୍ୟଯୋଗାଣ ଓ ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ଏହି ସୂଚନା ଦେଇଛନ୍ତି  । କ୍ଷମତାପ୍ରାପ୍ତ ଅଧିକାରୀ ଯାଂଚ କରିବା ପରେ ଚୂଡ଼ାନ୍ତ ତାଲିକା ପ୍ରସ୍ତୁତ ହେବ  । ପ୍ରଥମ ଦଫାରେ ନିୟମିତ ସମବାୟ ବ୍ୟାଙ୍କରେ ଦେଣନେଣ କରୁଥିବା ୧୨.୪୦ ଲକ୍ଷ ଚାଷୀଙ୍କୁ ଏହି ସହାୟତା ପ୍ରଦାନ କରାଯିବ  । ଏବେ ଯେଉଁମାନେ ଆବେଦନ କରୁଛନ୍ତି ସେମାନଙ୍କୁ ଯାଂଚ ପରେ ସହାୟତା ଦିଆଯିବ ବୋଲି ମନ୍ତ୍ରୀ ଶ୍ରୀ ପାତ୍ର କହିଛନ୍ତି  ।

    ମିଳିଥିବା ସୂଚନାନୁସାରେ କେଉଁ କ୍ଷୁଦ୍ର ଓ ନାମମାତ୍ର ଚାଷୀ ଏହାର ସୁଫଳ ପାଇବେ ସେମାନଙ୍କର ଏକ ତାଲିକା ମଧ୍ୟ ପ୍ରସ୍ତୁତ କରାଯାଇଛି  । ପ୍ରଥମ ପର୍ଯ୍ୟାୟରେ ଏହି ଚାଷୀମାନଙ୍କ ବ୍ୟାଙ୍କ ଖାତାକୁ ୫ ହଜାର ଟଙ୍କା ଲେଖାଏଁ ଅର୍ଥ ପ୍ରଦାନ କରାଯିବ  । ଏହି ଯୋଜନାର ସୁଫଳ ପାଇବାରୁ ଯୋଗ୍ୟ ଚାଷୀ ଯେଭଳି ବାଦ ନପଡ଼ନ୍ତି ସେଥିପ୍ରତି ଦୃଷ୍ଟିଦେବାକୁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ବିଭାଗୀୟ ଅଧିକାରୀମାନଙ୍କୁ ନିଦେ୍ର୍ଧଶ ଦେଇଛନ୍ତି  ।

    କାଳିଆ ଯୋଜନାରେ ଚାଷୀମାନଙ୍କୁ ୫୦ ହଜାର ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ ପ୍ରଦାନ କରାଯିବ  । ଏଥିରେ ବୀମା ସୁବିଧା ମଧ୍ୟ ରହିଛି  । ଚାଷୀମାନେ ୫ଟି ଫସଲ ଋତୁ ପାଇଁ ୫ ହଜାର ହିସାବରେ ୨୫ ହଜାର ଟଙ୍କା ପାଇବେ  ।

    ସୂଚନାଯୋଗ୍ୟଯେ, ୨୦୧୮-୧୯ରୁ ୨୦୨୧-୨୨ ପର୍ଯ୍ୟନ୍ତ ୫ଟି ଫସଲ ପାଇଁ ଏହି ଯୋଜନା ଲାଗୁ ହେବ  । ୨୦୧୧ ଜନଗଣନା ଅନୁଯାୟୀ, ରାଜ୍ୟରେ ୩୨.୪୬ ଲକ୍ଷ ଚାଷୀଙ୍କ ମଧ୍ୟରୁ ୩୦.୧୭୬ ଲକ୍ଷ ହେଉଛନ୍ତି କ୍ଷୁଦ୍ର ଓ ନାମମାତ୍ର ଚାଷୀ  । ସେହିପରି ୨୪.୨୦ ଲକ୍ଷ କୃଷି ଶ୍ରମିକ ରହିଛନ୍ତି  । କାଳିଆ ଯୋଜନା ପାଇଁ ରାଜ୍ୟ ସରକାର ୨୧.୪୦ ଲକ୍ଷ ଚାଷୀଙ୍କ ତାଲିକା ପ୍ରସ୍ତୁତ କରିଥିବାବେଳେ ଗ୍ରାମ ପଂଚାୟତସ୍ତରରେ ତାଲିକା ଚୂଡ଼ାନ୍ତ କରାଯିବ  । ଆସନ୍ତା ୧୫ରେ ଏହି ତାଲିକା ଚୂଡ଼ାନ୍ତ ହେବ  । ଯଦି ଚାଷୀଙ୍କ ତଥ୍ୟ ତାଲିକାରେ ଆପତି ରହିଥାଏ ତେବେ ଜାନୁଆରୀ ୨ରୁ ୧୦ ମଧ୍ୟରେ ଯାଂଚ ହୋଇ ଆବଶ୍ୟକୀୟ ପରିବର୍ତନ କରାଯିବ  । ଜାନୁଆରୀ ୨୫ ସୁଦ୍ଧା ସମସ୍ତ ଚାଷୀଙ୍କ ବ୍ୟାଙ୍କ ଖାତାକୁ ଅର୍ଥ ରାଶି ପଠାଯିବ  । ସେହିପରି ଦ୍ୱିତୀୟ ପର୍ଯ୍ୟାୟ ତାଲିକାର ସଂଶୋଧନ ଜାନୁଆରୀ ୨୦ରୁ ୩୦ ସୁଦ୍ଧା ସମ୍ପୂର୍ଣ୍ଣ ହେବ  । ଫେବୃଆରୀ ୧୫ ସୁଦ୍ଧା ଦ୍ୱିତୀୟ ପର୍ଯ୍ୟାୟରେ ଚୂଡ଼ାନ୍ତ ତାଲିକା ଅନୁଯାୟୀ ଚାଷୀମାନଙ୍କୁ ଅର୍ଥ ରାଶି ପ୍ରଦାନ କରାଯିବ  । ତଥାପିବି ଯଦି ଯୋଗ୍ୟ ଚାଷୀ ବାଦ ପଡ଼ିଥା’ନ୍ତି ତେବେ ସେମାନଙ୍କୁ ତୃତୀୟ ପର୍ଯ୍ୟାୟରେ  ସାମିଲ କରାଯିବ  । କାଳିଆ ଯୋଜନାର ସମସ୍ତ ହିତାଧିକାରୀଙ୍କ ନାମ ‘ପିଠା’ରେ ବିଜ୍ଞପ୍ତି ଭାବେ ୨ଟି ପର୍ଯ୍ୟାୟରେ ପ୍ରକାଶ ପାଇବ  ।

    Maximum 500 characters

    ଯୋଜନା ଓ ବିକାଶ View all

    Find Us on Facebook