Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ଅଡ଼ୁଆରେ ମମତା, ଦଳ ଛାଡ଼ୁଛନ୍ତି ସାଂସଦ

    Share on :
    Date: Jan 10, 2019    Views: 157

    କୋଲକାତା: ଆସନ୍ତା ସାଧାରଣ ନିର୍ବାଚନ ପୂର୍ବରୁ ମମତା ବାନାର୍ଜୀଙ୍କ ତୃଣମୂଳ କଂଗ୍ରେସକୁ ଶକ୍ତ ଧକ୍କା ଲାଗିଛି । ବରିଷ୍ଠ ନେତା ତଥା ପଶ୍ଚିମବଙ୍ଗ ବିଷ୍ଣୁପୁର ସାଂସଦ ସୌମିତ୍ର ଖାନ ଟିଏମସି ଛାଡ଼ି ବିଜେପିରେ ଯୋଗଦେଇଛନ୍ତି । ଆସନ୍ତା ୧୯ ତାରିଖରେ ପଶ୍ଚିମବଙ୍ଗରେ ମହାରାଲି ପୂର୍ବରୁ ମମତାଙ୍କୁ ଏହା ଏକ ଝଟକା ବୋଲି ଚର୍ଚ୍ଚା ହେଉଛି ।  ବୋଲାପୁରର ଟିଏମସି ସାଂସଦ ଅନୁପମ ହାଜ୍ରା ମଧ୍ୟ ବିଜେପିରେ ମିଶିପାରନ୍ତି ବୋଲ ଚର୍ଚ୍ଚା ହେଉଛି । ଅପରପକ୍ଷରେ ଅନୁ୍ୟନ ୬ ଜଣ ଟିଏମସି ସାଂସଦ ବିଜେପିରେ ଯୋଗଦେବାକୁ ପ୍ରସ୍ତୁତ ବୋଲି  ବିଜେପିର ଜଣେ ନେତା ଦାବି କରିଛନ୍ତି । ବିଜେପି ପକ୍ଷରୁ ସେମାନଙ୍କ ବିଷୟରେ ସୂଚନା ଦିଆଯାଇନଥିଲେ ମଧ୍ୟ ସେମାନଙ୍କ ମଧ୍ୟରେ ଅର୍ପିତା ଘୋଷ ଓ ଶତାବ୍ଦୀ ରାଏ ଅଛନ୍ତି ବୋଲି କୁହାଯାଉଛି । ଏହା ପୂର୍ବରୁ ଟିଏମସିରେ ଏକଦା ଦ୍ୱିତୀୟ କ୍ଷମତାଶାଳୀ ବ୍ୟକ୍ତିତ୍ୱ କୁହାଯାଉଥିବା ମୁ୍କୁଲ ରାଏ ବିଜେପିରେ ଯୋଗଦେଇଛନ୍ତି । 

    ଦଳ ବିରୋଧୀ କାର୍ଯ୍ୟକଳାପ ଅଭିଯୋଗରେ ସୌମିତ୍ର ଓ ଅନୁପମଙ୍କୁ ଦଳରୁ ବହିଷ୍କାର ପ୍ରକ୍ରିୟା ଆରମ୍ଭ ହୋଇଛି । ଅପରପକ୍ଷରେ ସୌମିତ୍ର କହିଛନ୍ତି ଯେ, ଟିଏମସି ଏବେ ଏକ ରାଜନୈତିକ ଦଳ ହୋଇନାହିଁ । ଟିଏମସି ଏବେ ମମତା ଓ ତାଙ୍କ ପୁତୁରା ଅଭିଷେକଙ୍କ ଦ୍ୱାରା ପରିଚାଳିତ ଏକ ଘରୋଇ କମ୍ପାନୀରେ ପରିଣତ ହୋଇଛି । ପଶ୍ଚିମବଙ୍ଗରେ ଏବେ ସିଣ୍ଡିକେଟ ରାଜ ଓ ପୁଲିସ ରାଜ ଚାଲିଛି ।

    Maximum 500 characters

    ଦେଶ ବିଦେଶ View all

    Find Us on Facebook