Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ରାହୁଲଙ୍କ କଟକ ସମାବେଶ ଉପରେ ସଭିଙ୍କ ନଜର

    Share on :
    Date: Jan 9, 2019    Views: 277

    ଭୁବନେଶ୍ୱର : ଆସନ୍ତା ୨୫ରେ ରାହୁଲ ଗାନ୍ଧୀ ଓଡ଼ିଶା ଆସୁଛନ୍ତି  । ଅତୀତରେ ବହୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅମିତ ଶାହା ଓଡିଶା ଗସ୍ତରେ ଆସିଥିବାବେଳେ ଦୀର୍ଘଦିନ ବ୍ୟବଧାନ ପରେ ରାହୁଲ ଓଡ଼ିଶା ଆସୁଥିବାରୁ କଂଗ୍ରେସ ଶିବିରରେ ଉତ୍ସାହ ପରିଲକ୍ଷିତ ହୋଇଛି  । ଏହି ଅବକାଶରେ ରାହୁଲଙ୍କ ଉଦବୋଧନ ଉପରେ ମଧ୍ୟ ନଜର ରହିବା ସ୍ୱାଭାବିକ  । କାରଣ ବଡ଼ ବଡ଼ ନେତାଙ୍କ ଉଦବୋଧନର ଶବ୍ଦ ବିନ୍ୟାସ ହିଁ ଅନେକ ରାଜନୀତିକ ସମୀକରଣର ଇଙ୍ଗିତ ଦେଇଥାଏ  ।

    କଟକରେ ରାହୁଲଙ୍କ ପାଇଁ ସମାବେଶ ଆୟୋଜନ କରୁଛି ପ୍ରଦେଶ କଂଗ୍ରେସ କମିଟି  । ବାଲିଯାତ୍ରା ପଡ଼ିଆରେ ୨୦୧୯ ପାଇଁ ରାହୁଲ ନିର୍ବାଚନୀ ବିଗୁଲ ଫୁଙ୍କିବେ  । ଖାଲି ସେତିକିନୁହେଁ ବୁଦ୍ଧିଜୀବୀ ସମ୍ମିଳନୀରେ ଯୋଗଦେଇ କଂଗ୍ରେସର ଆଭିମୁଖ୍ୟ ସମ୍ପର୍କରେ ଅବଗତ କରାଇବେ  । ସାମ୍ବାଦିକ ଓ ବୁଦ୍ଧିଜୀବୀମାନଙ୍କ ଠାରୁ ରାଜ୍ୟ ରାଜନୀତିର ଚିତ୍ର ମଧ୍ୟ ନେବେ  ।

    ରାହୁଲଙ୍କ ଗସ୍ତକୁ ସଫଳ କରିବା ପାଇଁ ପିସିସି ଫୁଲ ଦମରେ ଲାଗିଯାଇଛି  । ଏନେଇ କଂଗ୍ରେସ ଭବନରେ ପ୍ରଥମ ପ୍ରସ୍ତୁତି ବୈଠକ ହୋଇସାରିଛି  । ପିସିସି ପକ୍ଷରୁ ମିଳିଥିବା ସୂଚନା ଅନୁଯାୟୀ, ରାହୁଲ ୨୫ ତାରିଖ ସକାଳ ୧୦ଟାରେ ଭୁବନେଶ୍ୱରରେ ପହଁଚିବେ  । ଭୁବନେଶ୍ୱରରେ ବୁଦ୍ଧିଜୀବୀଙ୍କ ସମେତ କିଛି ଗୁରୁତ୍ୱପୂର୍ଣ୍ଣ ବ୍ୟକ୍ତିଙ୍କ ସହ ରାହୁଲ ଆଲୋଚନା କରିବେ  । ପରେ ଭୁବନେଶ୍ୱରରୁ କଟକ ପର୍ଯ୍ୟନ୍ତ ରାହୁଲ ଗାନ୍ଧୀ ରୋଡ଼ ଶୋ’ କରିବେ  । ବାଲିଯାତ୍ରା ପଡ଼ିଆରେ ଉଦବୋଧନ ଦେବା ପରେ ରାହୁଲ ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀ ମଧ୍ୟ କରିବେ ବୋଲି ପିସିସି ପକ୍ଷରୁ ସୂଚନା ଦିଆଯାଇଛି  । ସେହିପରି ଫେବୃଆରୀରେ ମଧ୍ୟ ରାହୁଲଙ୍କର ଓଡ଼ିଶା ଆସିବାର କାର୍ଯ୍ୟକ୍ରମ ରହିଛି  । ପଶ୍ଚିମ ଓ ଦକ୍ଷିଣ ଓଡ଼ିଶା ଗସ୍ତ କରି ରାହୁଲ କର୍ମୀଙ୍କୁ ଉଦବୋଧନ ଦେବେ  । କିନ୍ତୁ ସେନେଇ ଚୂଡ଼ାନ୍ତ ତାରିଖ ଧାର୍ଯ୍ୟ ହୋଇନାହିଁ  ।   

    Read more

    କଂଗ୍ରେସରେ ରାହୁଲଙ୍କ ବିକଳ୍ପ ଖୋଜା ଚାଲିଛି

    ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନରେ କଂଗ୍ରେସର ବଡ଼ ଧରଣର ବିପର୍ଯ୍ୟୟ ଦଳକୁ ଦୋହଲାଇ ଦେଇଛି । ରାହୁଲ ଗାନ୍ଧୀ କଂଗ୍ରେସ ସଭାପତି ପଦରୁ ଇସ୍ତଫା ପ୍ରତ୍ୟାହାର ନ କରିବା ଜିଦ୍ରେ ଅଟଳ ରହିଥିବାରୁ ଏବେ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ହେବା ପାଇଁ ଦଳରେ ମନ୍ଥନ ...

    Read more

    ରାହୁଲ ଗାନ୍ଧୀଙ୍କୁ ସମନ

    ନୂଆଦିଲ୍ଲୀ : ମାନହାନି ମାମଲାରେ ରାହୁଲ ଗାନ୍ଧୀଙ୍କୁ  କୋର୍ଟ ସମନ କରିଛନ୍ତି  । ବିହାର ଉପମୁଖ୍ୟମନ୍ତ୍ରୀ ତଥଶ ବିଜେପି ନେତା ସୁଶୀଳ ମୋଦି ଦାଏର କରିଥିବା ଏକ ମାନହାନି ମାମଲାକୁ ନେଇ ପାଟନା ସିଭିଲ କୋର୍ଟ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଶନିବାର ସମନ ଜାରି ...

    Read more

    ୪ରେ ଆସିବେନି ରାହୁଲ ଗାନ୍ଧୀ

    ଭୁବନେଶ୍ୱର : ଏଆଇସିସି ହାଇକମାଣ୍ଡ ରାହୁଲ ଗାନ୍ଧୀ ଆସନ୍ତା ୪ରେ ଓଡ଼ିଶା ଆସିବାର କାର୍ଯ୍ୟକ୍ରମ ରହିଥିଲା  । ଦକ୍ଷିଣ ଓଡ଼ିଶାରେ ସେ ରୋଡ଼ ଶୋ’ ସହ  ସମାବେଶ ମଧ୍ୟ କରିଥା’ନ୍ତେ  । ଦିଗପହଣ୍ଡିରେ ଏହି କାର୍ଯ୍ୟକ୍ରମ କରିବା ପାଇଁ ପ୍ରଦେଶ କଂଗ୍ରେସ କମିଟି ...

    Maximum 500 characters

    ରାଜନୀତି View all

    Find Us on Facebook