Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ତାଜା ଖବର

ମୁଖ୍ୟ ଖବର

    କ’ଣ କହିଲେ ମୋଦି, ପଢନ୍ତୁ ...

    Share on :
    Date: Jan 5, 2019    Views: 109

    ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଅଭିଭାଷଣ ଜୟ ଜଗନ୍ନାଥ କହି ଆରମ୍ଭ କରିଥିଲେ  । ଓଡ଼ିଶାର ପ୍ରିୟ ଭାଇ ଓ ଭଉଣୀମାନଙ୍କୁ ମୋର ନମସ୍କାର  । ସାନ୍ତାଳୀ ଭାଷାରେ ମଧ୍ୟ ଅଭିବାଦନ ଜଣାଇଥିଲେ  । ଦୁଇ ସପ୍ତାହରେ ଦ୍ୱିତୀୟ ଥର ପାଇଁ ଆପଣ ସମସ୍ତଙ୍କ ପାଖକୁ ଆସିବାର ସୌଭାଗ୍ୟ ମିଳିଛି  । ଗତଥର ଖୋର୍ଦ୍ଧା ଆସିଥିଲି  । ଆପଣମାନେ ସବୁ ରେକଡର଼୍ ଭାଙ୍ଗି ଦେଇଥିଲେ  ।  ପଡ଼ିଆ ଛୋଟ ଅଛି  । ଆପଣ ଯେଉଁଠି ଅଛନ୍ତି ଅଟକି ଯାଆନ୍ତୁ  । ଆଗକୁ ଆସିବାର ଚେଷ୍ଟା କରନ୍ତୁନାହିଁ, ଜାଗା ନାହିଁ  । ପଡ଼ିଆ ଛୋଟ ଥିବାରୁ ଆପଣ ଯେଉଁଠି ଅଛନ୍ତି ସେଇଠି ଠିଆ ହେବାକୁ ମୁଁ ଅନୁରୋଧ କରୁଛି  ।
    ଭାରତ ମାତାକୀ ଜୟ  । ଗତଥର ଖୋର୍ଦ୍ଧାରେ ଆପଣମାନେ ସବୁ ରେକଡର଼୍ ଭାଙ୍ଗି ଦେଇଥିଲେ  । ଆଜି ବାରିପଦାରେ ଆପଣମାନେ ସେ ରେକଡର଼୍ ବି ଭାଙ୍ଗିଦେଲେ  । ଓଡ଼ିଶା ଲୋକଙ୍କ ଅପାର ସ୍ନେହ ଓ ଆଶୀର୍ବାଦରେ ମୁଁ ଅଭିଭୂତ  । ଆପଣଙ୍କ ଉତ୍ସାହ ଓ ବିଶ୍ୱାସରେ ନୂଆ ଭାରତ, ନୂଆ ଓଡ଼ିଶା ଗଠନର ଭାବନା ବି ଦେଖିପାରୁଛି  । ବାରିପଦା ଆସିଲା ବେଳେ ମହାରାଜା ରାମଚନ୍ଦ୍ର ଭଞ୍ଜଦେବଙ୍କ ସ୍ୱତଃ ମନେ ପଡ଼ିଯାଉଛନ୍ତି  । ଓଡ଼ିଶାର ବିକାଶ ପାଇଁ ଓ ଏହାର ଭାଷା ସଂସ୍କୃତିରେ ତାଙ୍କର ଯୋଗଦାନ ଅବିସ୍ମରଣୀୟ  । ଓଡ଼ିଆ ଭାଷାର ସବୁଠୁ ପୁରୁଣା ଶବ୍ଦକୋଷ ଦେଇଥିବା ମହାରାଜ ପୂର୍ଣ୍ଣଚନ୍ଦ୍ର ଭଞ୍ଜଦେଓ, ସାନ୍ତାଳୀ ଲିପିର ପ୍ରଣେତା ପଣ୍ଡିତ ରଘୁନାଥ ମୁର୍ମୁଙ୍କ ଭଳି ମହାପୁରୁଷଙ୍କୁ ମୁଁ ପ୍ରଣାମ କରୁଛି  । ବିଜେପି ପାଇଁ ଏହା ଗର୍ବର ବିଷୟ ହେଉଛିଯେ, ଅଟଳ ବିହାରୀ ବାଜପାୟୀଙ୍କ ସରକାର ସାନ୍ତାଳୀ ଭାଷାକୁ ସମ୍ବିଧାନର ଅଷ୍ଟମ ପରିଚ୍ଛେଦରେ ସ୍ଥାନୀତ କରିଥିଲେ  । ଗତଥର ଖୋର୍ଦ୍ଧା ସମାବେଶରେ ପାଇକ ବିଦ୍ରୋହର ନାୟକମାନଙ୍କୁ ସମ୍ମାନ ଦେବାର ସୁଯୋଗ ମିଳିଥିଲା  । ଓଡ଼ିଶାର ସମୃଦ୍ଧ ସାଂସ୍କୃତିକ ପରମ୍ପରା, ପୁରୀ ଓ କୋଣାର୍କ ଭଳି ସ୍ଥାନକୁ ସଂରକ୍ଷିତ କରିବା ପାଇଁ ନିରନ୍ତର ପ୍ରୟାସ କରାଯାଉଛି  । ମନ୍ଦିର ଓ ହରିପୁରଗଡ଼ର ପୁରୁଣା ଦୁର୍ଗକୁ ସଂରକ୍ଷଣ କରିବା ପାଇଁ ପ୍ରୟାସ କରାଯାଇଛି  । ଏହାଛଡ଼ା ସଡ଼କ, ଗ୍ୟାସ ଭଳି ଅନେକ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରାଯାଇଛି  । 

    ସ୍ୱାଧୀନତା ସଂଗ୍ରାମ ଆନେ୍ଦାଳନରେ ଓଡ଼ିଶାର ଆଦିବାସୀ ଭାଇ ଭଉଣୀଙ୍କ ବହୁତ ବଡ଼ ଭୂମିକା ରହିଛି  । ଗୁଜୁରାଟର ଦାଣ୍ଡି ଓ ଏଠାକାର ଇଂଚୁଡ଼ି ମହାତ୍ମାଗାନ୍ଧୀ ଓ ଲବଣ ସତ୍ୟାଗ୍ରହ ସହ ଜଡ଼ିତ  । ଏଭଳି ପବିତ୍ର ମାଟିରେ ଠିଆହେବାବେଳେ ଦେଶପାଇଁ ବଳିଦାନ ଦେଇଥିବା ଲୋକଙ୍କୁ ସ୍ମରଣ କରିବା ସୌଭାଗ୍ୟର କଥା  । ଆଜି ଭାରତ ମାତା କୀ ଜୟ ଓ ବନେ୍ଦ ମାତରମ କହିବା ବେଳେ ଦେଶର କେତେକ ଲୋକଙ୍କୁ ସମସ୍ୟା ହେଉଛି  । ଦେଶର ସବୁଠୁ ପୁରୁଣା ଦଳର ନେତା କହୁଛନ୍ତି, ମୋଦି  ଭାରତମାତା କହି ବିଭାଜନ କରୁଛନ୍ତି  । ଏବେ ମଧ୍ୟପ୍ରଦେଶରେ ସେମାନଙ୍କ ସରକାର ଆସିଛି  । ପୂର୍ଣ୍ଣ ବହୁମତ ପାଇନଥିଲେ ମଧ୍ୟ ସେମାନେ ପ୍ରଥମେ ବନେ୍ଦ ମାତରମ ଗାୟନକୁ ବନ୍ଦ କରିଦେଲେ  ।  ଜରୁରୀକାଳୀନ ପରିସ୍ଥିତିରେ ଲଢ଼ିଥିବା ନେତାମାନଙ୍କ ପେନସନ ବନ୍ଦ କରିବା ପାଇଁ ବି ପ୍ରୟାସ କରାଯାଉଛି  । ହେଲେ ବିଜେପି ଦାବି କରିବା ପରେ ବନେ୍ଦ ମାତରମ ସଂଗୀତକୁ ବନ୍ଦ କରିବା ସଂକ୍ରାନ୍ତୀୟ ନିଷ୍ପତି ପ୍ରତ୍ୟାହାର କରିନେଇଥିବାବେଳେ ପେନସନ ବନ୍ଦ ନିଷ୍ପତି ନନେବାକୁ ମଧ୍ୟ ବାଧ୍ୟ ହେବେ  । ଇଏ ହେଉଛି ସେହି ସ୍ଥାନ ଯେଉଁଠି ସୁଭଦ୍ରାଙ୍କ ରଥକୁ ମା’ ଓ ଭଉଣୀମାନେ ଭିଡ଼ିଥା’ନ୍ତି  । ଏହି ପରମ୍ପରା ବାରିପଦାରୁ ହିଁ ଆରମ୍ଭ ହୋଇଛି  । ମହିଳା ସଶକ୍ତିକରଣ ଓ ସ୍ୱାଭିମାନର ଏହା ହେଉଛି ପ୍ରତୀକ  । ନାରୀ ସଶକ୍ତିକରଣ ଓଡ଼ିଶା ବହୁଦିନରୁ କରି ଆସୁଛି  । କେନ୍ଦ୍ର ସରକାର ମହିଳାଙ୍କ ସଶକ୍ତିକରଣ ପାଇଁ ଗତ ସାଢେ଼ ଚାରି ବର୍ଷ ଧରି କାର୍ଯ୍ୟ କରି ଆସୁଛନ୍ତି  । ସଂସଦରେ ପ୍ରଥମ ମହିଳା ରକ୍ଷାମନ୍ତ୍ରୀ ନିଜ ସାମର୍ଥ୍ୟରେ ରକ୍ଷା ଭଳି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପସ୍ଥାପନ କରିଛନ୍ତି  । ୨୦୦୪ରୁ ୨୦୧୪ ମଧ୍ୟରେ ଦେଶର ସେନାକୁ ଦୁର୍ବଳ କରିବା ପାଇଁ ଚକ୍ରାନ୍ତ କରାଯାଇଥିଲା  । ଆମ ସରକାର କଂଗ୍ରେସର ଚକ୍ରାନ୍ତ ଜାଲରୁ ଦେଶର ସେନାକୁ ବାହାର କରିବାରୁ ଆମେ କଂଗ୍ରେସ ପାଇଁ କଂଟା ସାଜିଛୁ  । କୌଣସି ବି ମୂଲ୍ୟ ଦେଇ ସେମାନେ ଦେଶର ଚୌକିଦାରକୁ ହଟାଇବାକୁ ଚାହୁଁଛନ୍ତି  । ଚୋରଙ୍କ ମେଳି ପ୍ରଥମେ ଚୌକିଦାରକୁ ହଟାଇବା ପାଇଁ ଷଡ଼ଯନ୍ତ୍ର କରୁଛନ୍ତି  । ହେଲିକପ୍ଟର ଦୁର୍ନୀତିର ମଞ୍ଜି ମିସେଲର ଚିଠିରୁ ଅନେକ କଥା ପର୍ଦ୍ଧାଫାଶ ହୋଇଛି  । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ କେଉଁ ଫାଇଲ କୁଆଡେ଼ ଯାଉଛି ତାହାର ସୂଚନା ତା ପାଖରେ ଥିଲା  । ବିଦେଶକୁ ତଥ୍ୟ ଯାଉଥିଲା  । କଂଗ୍ରେସ ସରକାର ଚଲାଉଥିଲା ନା ମିସେଲ ମାମାଙ୍କ ଦରବାର ଚଲାଉଥିଲା ବୁଝି ହେଉନାହିଁ  । ଯେଉଁମାନେ ଦେଶର ସୁରକ୍ଷା ସହ ଖେଳୁଥିଲେ ସେମାନଙ୍କ ହିସାବ ଦେଶର ଏଜେନ୍ସୀ ଓ ଜନତା କରିବେ  ।  ଆଇନ କାହାକୁ ଛାଡ଼ିବ ନାହିଁ ବୋଲି ମୁଁ ବିଶ୍ୱାସ ଦେଉଛି ବୋଲି ମୋଦି କହିଥିଲେ  ।

    ନାରୀ ସଶକ୍ତିକରଣ ପାଇଁ କେନ୍ଦ୍ର ସରକାର ବହୁ କାର୍ଯ୍ୟ କରିଛନ୍ତି  । ମହିଳା ସଶକ୍ତିକରଣ ପାଇଁ କେନ୍ଦ୍ର ସରକାର ଯେଉଁ ପ୍ରୟାସ କରୁଛନ୍ତି ଏହାର ଲାଭ ଓଡ଼ିଶା ପାଇବା ଦରକାର  । କିନ୍ତୁ ଓଡ଼ିଶା ସରକାର ମହିଳାଙ୍କ ସହ ସଂଶ୍ଲିଷ୍ଟ ଯୋଜନା ପ୍ରତି ଗମ୍ଭୀର ନୁହଁନ୍ତି  । ଦୁଇ ଦଶକର ଶାସନ ପରେ ବି ମହିଳାଙ୍କ ସୁରକ୍ଷା, ଶିକ୍ଷା, ସ୍ୱାସ୍ଥ୍ୟ ଓ ନିଯୁକ୍ତି କ୍ଷେତ୍ରରେ ଓଡ଼ିଶା ବହୁ ପଛରେ ପଡ଼ିଛି  । ମହିଳାଙ୍କ ପ୍ରତି ଅତ୍ୟାଚାର କରୁଥିବା ବ୍ୟକ୍ତିଙ୍କୁ ଫାଶୀ ଦେବାର ବ୍ୟବସ୍ଥା ରହିଛି  । ହେଲେ ଓଡ଼ିଶାରେ ନାରୀ ସୁରକ୍ଷା ସନେ୍ଦହ ଘେରରେ  । ଆଠବର୍ଷ ତଳେ ପୁରୀରେ ଯେଉଁ ଘଟଣା ଘଟିଥିଲା ସେହି ଝିଅକୁ ଓଡ଼ିଶା ସରକାର ନ୍ୟାୟ ଦେଇପାରିନାହାନ୍ତି  । ତଦନ୍ତରେ ତ୍ରୁଟିକୁ ନେଇ ନାରୀଙ୍କ ମନରେ ଆକ୍ରୋଶ ସୃଷ୍ଟି ହେବା ସ୍ୱାଭାବିକ  । ସରକାର ଏହାକୁ ଗମ୍ଭୀରତାର ସହ ଗ୍ରହଣ କରି ପୁଣି ଯାଂଚ କରି ଦୋଷୀଙ୍କୁ ଦଣ୍ଡଦେବା ଦରକାର  । ନାରୀଙ୍କ ସ୍ୱାସ୍ଥ୍ୟ କ୍ଷେତ୍ରରେ ଓଡ଼ିଶାର ଟ୍ରାକ ରେକଡର଼୍ ବି ଭଲ ନାହିଁ  । ମହିଳା ଓ ଶିଶୁଙ୍କ ସ୍ୱାସ୍ଥ୍ୟ ପାଇଁ କେନ୍ଦ୍ର ସରକାର ମିଶନ ଇନ୍ଦ୍ରଧନୁଷ ଭଳି ବହୁ ପଦକ୍ଷେପ ଗ୍ରହଣ କରିଛନ୍ତି  । ଦେଶରେ ଏବେ ଶତ ପ୍ରତିଶତ ଟୀକାକରଣ ଦିଗରେ ଅଗ୍ରସର ହେଉଛି  । କେନ୍ଦ୍ର ସରକାର ଆୟୂଷ୍ମାନ ଯୋଜନାରେ ୫ ଲକ୍ଷ ପର୍ଯ୍ୟନ୍ତ ମାଗଣା ଚିକିତ୍ସା ଗରିବ ଲୋକଙ୍କୁ ପ୍ରଦାନ କରୁଛନ୍ତି  । କିନ୍ତୁ ଦୁର୍ଭାଗ୍ୟର କଥା ଓଡ଼ିଶାର ଲକ୍ଷ ଲକ୍ଷ ପରିବାର ଏଥିରୁ ବଂଚିତ ହେଉଛନ୍ତି  । ରାଜ୍ୟ ସରକାର ଏହି ଯୋଜନାରେ ସାମିଲ ହୋଇ କେନ୍ଦ୍ର ସରକାର ଯେଉଁ ସହାୟତା ଦେଉଛନ୍ତି ତାହାର ଲାଭ ନିଅନ୍ତୁ ବୋଲି ପ୍ରଧାନମନ୍ତ୍ରୀ କହିଥିଲେ  । ଓଡ଼ିଶାର ସାମଗ୍ରୀକ ବିକାଶ ପାଇଁ କେନ୍ଦ୍ର ସରକାର ସମସ୍ତ ପ୍ରକାର ବ୍ୟବସ୍ଥା କରୁଛନ୍ତି  । ୧୧ ଶହ କୋଟିରେ ନିର୍ମିତ ବାଲେଶ୍ୱର-ହଳଦିଆ ଏଲପିଜି ଗ୍ୟାସ ଲାଇନ ଦ୍ୱାରା ସବୁ ଘରକୁ ଧୂଆଁ ମୁକ୍ତ କରିବା ପାଇଁ ଯୋଜନା କରାଯାଇଛି  । ଉଜ୍ଜ୍ୱଳା ଯୋଜନାରେ ୩୨ ମାସରେ ୬ କୋଟି ସଂଯୋଗ ଦିଆଯାଇଛି  । ଦଳିତ, ବଂଚିତ, ଶୋଷିତ, ପଛୁଆ ଓ ଆଦିବାସୀ ଏହାଦ୍ୱାରା ବିଶେଷ ଉପକୃତ ହୋଇଛନ୍ତି  । ବେଟି ବଚାଓ, ବେଟି ପଢ଼ାଓ; ଜନଧନ ଯୋଜନା, ପ୍ରଧାନମନ୍ତ୍ରୀ ଆବାସ ଯୋଜନା, ପ୍ରଧାନମନ୍ତ୍ରୀ ସଡ଼କ ଯୋଜନା ଆଦି ସମସ୍ତଙ୍କ ସହଯୋଗରେ ଜାରିରହିଛି  । ବାଲେଶ୍ୱରର ମଲଟି ମୋଡ଼ ଲଜିଷ୍ଟିକ ପାର୍କ ଦ୍ୱାରା ସ୍ଥାନୀୟ ଉଦ୍ୟୋଗୀମାନେ ସୁବିଧା ପାଇପାରିବେ  । ରେଳଲାଇନ ଯୋଗୁଁ ରାଜସ୍ୱ ବୃଦ୍ଧି ସହ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ  । ନୂଆ ଓଡ଼ିଶା ଓ ନୂଆ ଭାରତ ପାଇଁ ଆମେ ଏକାଠି ସାଙ୍ଗରେ ଚାଲିବା ଦରକାର  ।
    ରାଜ୍ୟ ସଭାପତି ବସନ୍ତ ପଣ୍ଡା ପ୍ରଥମେ ମୋଦିଜୀଙ୍କୁ ସମ୍ବଦ୍ଧ୍ୱର୍ିତ କରିଥିଲେ  । ଚାରି ଜିଲ୍ଲାର ସଭାପତି ଓ ଆଗଧାଡ଼ିର କାର୍ଯ୍ୟକର୍ତାମାନେ ପୁଷ୍ପମାଲ୍ୟ ପ୍ରଦାନ କରିଥିଲେ  ।

    Maximum 500 characters

    ତାଜା ଖବର View all

    Find Us on Facebook