Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଯୋଜନା ଓ ବିକାଶ

ମୁଖ୍ୟ ଖବର

    ‘କାଳିଆ’ ଯୋଜନା ପାଇଁ ୨୧.୪୦ ଲକ୍ଷ ଚାଷୀଙ୍କ ତାଲିକା

    Share on :
    Date: Jan 1, 2019    Views: 125

    ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘କାଳିଆ’ ଯୋଜନାର ଶୁଭାରମ୍ଭ କରିଛନ୍ତି  । ପ୍ରଥମ ପର୍ଯ୍ୟାୟରେ ୨୧.୪୦ ଲକ୍ଷ ହିତାଧିକାରୀ ତାଲିକା ପ୍ରସ୍ତୁତ କରାଯାଇଛି  । ଏହି ଯୋଜନାରେ ଚାଷୀଙ୍କ ବ୍ୟାଙ୍କ ଖାତାକୁ ସିଧାସଳଖ ଅର୍ଥ ଯିବାର ବ୍ୟବସ୍ଥା ରହିଛି  । ଗତ ୨୧ରେ ରାଜ୍ୟ କ୍ୟାବିନେଟ ବୈଠକରେ କାଳିଆ ଯୋଜନା ସମ୍ପର୍କରେ ମୁଖ୍ୟମନ୍ତ୍ରୀ ଘୋଷଣା କରିଥିଲେ  । ଏହି ଯୋଜନାର ଲୋଗୋ ସହ ଯୋଜନା ସମ୍ପର୍କିତ ପୋର୍ଟାଲ ମଧ୍ୟ ଉନ୍ମୋଚିତ ହୋଇଛି  । 

    ମିଳିଥିବା ସୂଚନାନୁସାରେ କେଉଁ କ୍ଷୁଦ୍ର ଓ ନାମମାତ୍ର ଚାଷୀ ଏହାର ସୁଫଳ ପାଇବେ ସେମାନଙ୍କର ଏକ ତାଲିକା ମଧ୍ୟ ପ୍ରସ୍ତୁତ କରାଯାଇଛି  । ପ୍ରଥମ ପର୍ଯ୍ୟାୟରେ ଏହି ଚାଷୀମାନଙ୍କ ବ୍ୟାଙ୍କ ଖାତାକୁ ୫ ହଜାର ଟଙ୍କା ଲେଖାଏଁ ଅର୍ଥ ପ୍ରଦାନ କରାଯିବ  । ଏହି ଯୋଜନାର ସୁଫଳ ପାଇବାରୁ ଯୋଗ୍ୟ ଚାଷୀ ଯେଭଳି ବାଦ ନପଡ଼ନ୍ତି ସେଥିପ୍ରତି ଦୃଷ୍ଟିଦେବାକୁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ବିଭାଗୀୟ ଅଧିକାରୀମାନଙ୍କୁ ନିଦେ୍ର୍ଧଶ ଦେଇଛନ୍ତି  ।

    କାଳିଆ ଯୋଜନାରେ ଚାଷୀମାନଙ୍କୁ ୫୦ ହଜାର ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ ପ୍ରଦାନ କରାଯିବ  । ଏଥିରେ ବୀମା ସୁବିଧା ମଧ୍ୟ ରହିଛି  । ଚାଷୀମାନେ ୫ଟି ଫସଲ ଋତୁ ପାଇଁ ୫ ହଜାର ହିସାବରେ ୨୫ ହଜାର ଟଙ୍କା ପାଇବେ  ।

    ସୂଚନାଯୋଗ୍ୟଯେ, ୨୦୧୮-୧୯ରୁ ୨୦୨୧-୨୨ ପର୍ଯ୍ୟନ୍ତ ୫ଟି ଫସଲ ପାଇଁ ଏହି ଯୋଜନା ଲାଗୁ ହେବ  । ୨୦୧୧ ଜନଗଣନା ଅନୁଯାୟୀ, ରାଜ୍ୟରେ ୩୨.୪୬ ଲକ୍ଷ ଚାଷୀଙ୍କ ମଧ୍ୟରୁ ୩୦.୧୭୬ ଲକ୍ଷ ହେଉଛନ୍ତି କ୍ଷୁଦ୍ର ଓ ନାମମାତ୍ର ଚାଷୀ  । ସେହିପରି ୨୪.୨୦ ଲକ୍ଷ କୃଷି ଶ୍ରମିକ ରହିଛନ୍ତି  । କାଳିଆ ଯୋଜନା ପାଇଁ ରାଜ୍ୟ ସରକାର ୨୧.୪୦ ଲକ୍ଷ ଚାଷୀଙ୍କ ତାଲିକା ପ୍ରସ୍ତୁତ କରିଥିବାବେଳେ ଗ୍ରାମ ପଂଚାୟତସ୍ତରରେ ତାଲିକା ଚୂଡ଼ାନ୍ତ କରାଯିବ  । ଆସନ୍ତା ୧୫ରେ ଏହି ତାଲିକା ଚୂଡ଼ାନ୍ତ ହେବ  । ଯଦି ଚାଷୀଙ୍କ ତଥ୍ୟ ତାଲିକାରେ ଆପତି ରହିଥାଏ ତେବେ ଜାନୁଆରୀ ୨ରୁ ୧୦ ମଧ୍ୟରେ ଯାଂଚ ହୋଇ ଆବଶ୍ୟକୀୟ ପରିବର୍ତନ କରାଯିବ  । ଜାନୁଆରୀ ୨୫ ସୁଦ୍ଧା ସମସ୍ତ ଚାଷୀଙ୍କ ବ୍ୟାଙ୍କ ଖାତାକୁ ଅର୍ଥ ରାଶି ପଠାଯିବ  । ସେହିପରି ଦ୍ୱିତୀୟ ପର୍ଯ୍ୟାୟ ତାଲିକାର ସଂଶୋଧନ ଜାନୁଆରୀ ୨୦ରୁ ୩୦ ସୁଦ୍ଧା ସମ୍ପୂର୍ଣ୍ଣ ହେବ  । ଫେବୃଆରୀ ୧୫ ସୁଦ୍ଧା ଦ୍ୱିତୀୟ ପର୍ଯ୍ୟାୟରେ ଚୂଡ଼ାନ୍ତ ତାଲିକା ଅନୁଯାୟୀ ଚାଷୀମାନଙ୍କୁ ଅର୍ଥ ରାଶି ପ୍ରଦାନ କରାଯିବ  । ତଥାପିବି ଯଦି ଯୋଗ୍ୟ ଚାଷୀ ବାଦ ପଡ଼ିଥା’ନ୍ତି ତେବେ ସେମାନଙ୍କୁ ତୃତୀୟ ପର୍ଯ୍ୟାୟରେ  ସାମିଲ କରାଯିବ  । କାଳିଆ ଯୋଜନାର ସମସ୍ତ ହିତାଧିକାରୀଙ୍କ ନାମ ‘ପିଠା’ରେ ବିଜ୍ଞପ୍ତି ଭାବେ ୨ଟି ପର୍ଯ୍ୟାୟରେ ପ୍ରକାଶ ପାଇବ  ।

    Maximum 500 characters

    ଯୋଜନା ଓ ବିକାଶ View all

    Find Us on Facebook