Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ଧର୍ମେନ୍ଦ୍ରଙ୍କ ରାସ୍ତାରେ ପ୍ରତାପ କେଁ!

    Share on :
    Date: Dec 6, 2018    Views: 763

    ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଜୁଏଲ ଓରାମ ମୁଖ୍ୟମନ୍ତ୍ରୀ ପ୍ରାର୍ଥୀ କହିବା ପ୍ରସଙ୍ଗରେ କଡ଼ା ପ୍ରତିକ୍ରିୟା ପ୍ରକାଶ କରିଛନ୍ତି ବରିଷ୍ଠ ବିଜେପି ନେତା ପ୍ରତାପ ଷଡ଼ଙ୍ଗୀ ।

    ଶ୍ରୀ ଷଡ଼ଙ୍ଗୀ କହିଛନ୍ତି ଯେ, ଜୁଏଲ ଯାହା କହିଲେ ବୋଧେ ତାଙ୍କୁ କିଏ କେନ୍ଦ୍ରରୁ କହିଥିବେ । ମୁଁ ଜୁଏଲଙ୍କ ବ୍ୟକ୍ତିଗତ ସଚିବ ନୁହେଁ, ମୁଁ କେମିତି ଜାଣିବି । ମୁଖ୍ୟମନ୍ତ୍ରୀ ପ୍ରାର୍ଥୀ ନେଇ ସଂସଦୀୟ ବୋର୍ଡ ହିଁ ନିଷ୍ପତ୍ତି ନେବ । ବିଜେଡି ଭଳି ବିଜେପିରେ ମୁଖ୍ୟମନ୍ତ୍ରୀ ପ୍ରାର୍ଥୀ ମରୁଡ଼ି ନାହିଁ ବୋଲି ସେ କହିଛନ୍ତି । ଏହାଛଡ଼ା କାହା ନାମ ନେବାକୁ ଚାହେଁନି ବୋଲି କହି ଦଳରେ ବହୁ ଯୋଗ୍ୟ ବ୍ୟକ୍ତି ଅଛନ୍ତି ବୋଲି ଶ୍ରୀ ଷଡ଼ଙ୍ଗୀ କହିଛନ୍ତି । 

    ଶ୍ରୀ ଷଡ଼ଙ୍ଗୀ ଗତ ସେପ୍ଟେମ୍ବର ୨୬ ତାରିଖରେ ମଧ୍ୟ କହିଥିଲେ ଯେ, ଧର୍ମେନ୍ଦ୍ର ପ୍ରଧାନଙ୍କୁ ମୁଁ ରାଜ୍ୟ ବିଜେପିର ଚେହେରା ବୋଲି କହିପାରିବି ନାହିଁ । ସେ କଥା କହିବାକୁ ମୁଁ ଅଧିକୃତ ନୁହେଁ । ଯେଉଁମାନେ ଧର୍ମେନ୍ଦ୍ରଙ୍କୁ ଚେହେରା ବୋଲି କହୁଛନ୍ତି ତାହା ସେମାନଙ୍କ ବ୍ୟକ୍ତି ଗତ ମତ । ଏଯାଏଁ ଦଳ କାହାକୁ ଚେହେରା କରିବ ତାହା ସ୍ଥିର କରିନାହିଁ । ଏକ ବୈଦୁ୍ୟତିକ ଗଣମାଧ୍ୟମକୁ ସାକ୍ଷାତକାର ଦେଇ ଶ୍ରୀ ଷଡ଼ଙ୍ଗୀ ଏହା କହିଥିଲେ ।

    ପ୍ରକାଶ ଯେ, ଗତ ନଭେମ୍ବର ୨୭ ତାରିଖ ଦିନ ବିଜେପି ନେତୃତ୍ୱ କନ୍ଦଳରେ ପୂର୍ଣ୍ଣଛେଦ ଟାଣିଥିଲେ କେନ୍ଦ୍ରମନ୍ତ୍ରୀ ଜୁଏଲ ଓରାମ । ଧର୍ମେନ୍ଦ୍ର ଆମର ମୁଖ୍ୟମନ୍ତ୍ରୀ ପ୍ରାର୍ଥୀ ବୋଲି ଜୁଏଲ କହିଥିଲେ । ଏପରିକି ତାଙ୍କ ନେତୃତ୍ୱରେ ଆମେ ନିର୍ବାଚନ ଲଢିବୁ ବୋଲି ସେ କହିଥିଲେ ।  

    Maximum 500 characters

    ରାଜନୀତି View all

    Find Us on Facebook