Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ଇସ୍ରୋକୁ ଆଉ ଏକ ସଫଳତା

    Share on :
    Date: Nov 29, 2018    Views: 81

    ଶ୍ରୀହରିକୋଟା: ମହାକାଶକୁ ଉପଗ୍ରହ ଉତକ୍ଷେପଣ କରିବାରେ ଭାରତ ଆଉ ଏକ ମାଇଲ ଖୁଣ୍ଟ ଅତିକ୍ରମ କରିଛି । ପୂର୍ବରୁ ୧୦୪ଟି ଉପଗ୍ରହକୁ ଅନ୍ତରୀକ୍ଷରେ ଅବସ୍ଥାପିତ କରି ବିରଳ କୃତିତ୍ୱ ହାସଲ କରିଥିବା ଇସ୍ରୋ ଆଜି ୯.୫୮ ମିନିଟରେ ପୃଥିବୀ ନୀରିକ୍ଷଣ ଉପଗ୍ରହ ଏଚୱାଇ ଏସଆଇଏସ ଉପଗ୍ରହ ସହିତ ୮ଟି ଦେଶର ୩୦ଟି ମାଇକ୍ରୋ ଓ ନାନୋ ସାଟେଲାଇଟକୁ ସଫଳତାର ସହିତ ମହାକାଶକୁ ଉତକ୍ଷେପଣ କରିଛି । ପିଏସଏଲଭି ସି ୪୩ ମହାକାଶ ଯାନରେ ଏହି ସବୁ ଉପଗ୍ରହକୁ ଅନ୍ତରୀକ୍ଷକୁ ପଠାଇବାରେ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ସଫଳତା ଅର୍ଜନ କରିଛି । 

    ଏଚୱାଇ ଏସଆଇଏସ ଉପଗ୍ରହର ଓଜନ ୩୮୦ କେଜି ହୋଇଥିବାବେଳେ ଏହାକୁ ୬୩୬ କିଲୋମିଟର ପୋଲାର ସନସିଙ୍କ୍ରୋନସ ଅରବିଟରେ ଅବସ୍ଥାପିତ କରାଯିବ । ୫ ବର୍ଷର ଜୀବନ ଅବଧି ଥିବା ଏହି ସାଟେଲାଇଟ ଜରିଆରେ ସମଗ୍ର ପୃଥିବୀ ଉପରେ ନଜର ରଖାଯାଇପାରିବ । ସେହିପରି ଏଚୱାଇ ଏସଆଇଏସ ଉପଗ୍ରହ ସହିତ ଅଷ୍ଟ୍ରେଲିଆ, କାନାଡ଼ା, କଲମ୍ବିଆ, ଫିନଲ୍ୟାଣ୍ଡ, ମାଲେସିଆ, ନେଦରଲ୍ୟାଣ୍ଡ, ସ୍ପେନ ଓ ଆମେରିକାର ଗୋଟିଏ ମାଇକ୍ରୋ ଓ ୨୯ଟି ନାନୋ ଉପଗ୍ରହକୁ ପଠାଯାଇଛି । 

    Maximum 500 characters

    ଦେଶ ବିଦେଶ View all

    Find Us on Facebook