Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ଦେଶ ଓ ରାଜ୍ୟରେ ଶାସନ ବ୍ୟବସ୍ଥା ଭୁଶୁଡ଼ି ପଡ଼ିଛି : ନରସିଂହ

    Share on :
    Date: Nov 2, 2018    Views: 559

    ଭୁବନେଶ୍ୱର : ଦେଶରେ ଓ ରାଜ୍ୟରେ ଶାସନ ବ୍ୟବସ୍ଥା ଭୁଶୁଡ଼ି ଯାଇଛି  । ଗୋଟିଏ ପଟେ କେନ୍ଦ୍ର ସରକାରଙ୍କ ସହ ସିବିଆଇ, ଆରବିଆଇ ଓ ସୁପ୍ରିମକୋର୍ଟଙ୍କ ବିବାଦ ଦେଖିବାକୁ ମିଳୁଥିବାବେଳେ ଅପରପକ୍ଷରେ ରାଜ୍ୟରେ ଶିକ୍ଷକ ଓ ଓକିଲ ଆନେ୍ଦାଳନ ଆଦି ଜୋର ଧରିଛି ବୋଲି ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି  ।

    ଶ୍ରୀ ମିଶ୍ର କହିଲେଯେ, ଶିକ୍ଷା ଓ ସ୍ୱାସ୍ଥ୍ୟ ଆମର ମୌଳିକ ଅଧିକାର  । ହେଲେ ଶିକ୍ଷକମାନେ ବିଦ୍ୟାଳୟ ଛାଡ଼ି ରାଜରାସ୍ତାରେ ଥିବାରୁ ଛାତ୍ରଛାତ୍ରୀମାନେ ଶିକ୍ଷା ଅଧିକାରରୁ ବଂଚିତ ହେଉଛନ୍ତି  । ସେହିପରି ଡାକ୍ତରମାନେ ମଧ୍ୟ ଆନେ୍ଦାଳନର ଚେତାବନୀ ଦେଉଛନ୍ତି  । ଓକିଲମାନେ ଆନେ୍ଦାଳନ ଜାରି ରଖିଥିବାରୁ ଲୋକମାନେ ନ୍ୟାୟ ପାଇବାରୁ ବଂଚିତ ହୋଇଛନ୍ତି  । ଅପରପକ୍ଷରେ ପୁଲିସ ମଧ୍ୟ ଆନେ୍ଦାଳନ ପାଇଁ ଚେତାବନୀ ଦେଲେଣି  । ଅନୁରୂପ ଭାବେ ଦେଶର ସାମ୍ବିଧାନିକ ସଂସ୍ଥାଗୁଡ଼ିକ ସହ କେନ୍ଦ୍ର ସରକାରଙ୍କ ବିବାଦ ତୀବ୍ରରୂପ ଧାରଣ କରିଛି  । ସିବିଆଇ, ଆରବିଆଇ ଓ ସୁପ୍ରିମକୋର୍ଟଙ୍କ ପ୍ରସଙ୍ଗରେ ଅନେକ ଘଟଣା ଦେଖିବାକୁ ମିଳିଛି  । ଫଳରେ ଦେଶ ଓ ରାଜ୍ୟରେ ଶାସନ ବ୍ୟବସ୍ଥା ଭୁଷୁଡ଼ି ଯାଇଛି ବୋଲି ବିରୋଧୀ ଦଳ ନେତା କହିଛନ୍ତି  ।

    ଓକିଲମାନଙ୍କ ଆନେ୍ଦାଳନ ସମ୍ପର୍କରେ ସେ କହିଛନ୍ତିଯେ, ସୁପ୍ରିମକୋର୍ଟ ବହୁ ପୂର୍ବରୁ ଓକିଲ ଆନେ୍ଦାଳନକୁ ବେଆଇନ ଦର୍ଶାଇଛନ୍ତି  । ସୁପ୍ରିମକୋର୍ଟର ତକôାଳୀନ ପ୍ରଧାନ ବିଚାରପତି ମଧ୍ୟ ଓକିଲମାନଙ୍କୁ କାର୍ଯ୍ୟରେ ଯୋଗଦେବାକୁ ନିଦେ୍ର୍ଧଶ ଦେଇଥିଲେ  । ଯଦି ଓକିଲମାନେ ସୁପ୍ରିମକୋର୍ଟଙ୍କ ନିଦେ୍ର୍ଧଶ ନମାନିବେ ତେବେ ଆମେ ଅନ୍ୟଙ୍କୁ କ’ର କହିବା ବୋଲି ନରସିଂହ ପ୍ରଶ୍ନ କରିଥିଲେ  ।

    ଅଭିଜିତ ଆୟାର ମିତ୍ରଙ୍କ ପ୍ରସଙ୍ଗରେ ନରସିଂହ କହିଲେଯେ, ଆୟାରଙ୍କୁ ସତ୍ୟପାଠ ଦାଖଲ କରିବାକୁ ନିଦେ୍ର୍ଧଶ ଦିଆଯାଇଥିଲା  । ଆଜି ସେ ଗୃହ କମିଟି ନିକଟରେ ହାଜର ହୋଇଥିଲେ  । କିନ୍ତୁ ସତ୍ୟପାଠ ଆଣି ଆସିନଥିଲେ  । ତେବେ ତାଙ୍କ ଓକିଲ ସତ୍ୟପାଠ ଆଣୁଛନ୍ତି ବୋଲି ସେ କହିଥିଲେ  । ଏଥିପାଇଁ କମିଟି ମଧ୍ୟ ଅପେକ୍ଷା କରିଥିଲେ  । କିନ୍ତୁ ବେଶ କିଛି ସମୟ ଅପେକ୍ଷା କରାଯିବା ପରେ ଆୟାରଙ୍କ ଓକିଲ ସତ୍ୟପାଠ ଆଣି ଆସିନଥିଲେ  । ଫଳରେ ଆସନ୍ତାକାଲି ତାଙ୍କୁ ସତ୍ୟପାଠ ଦାଖଲ କରିବା ପାଇଁ ନିଦେ୍ର୍ଧଶ ଦିଆଯିବା ସହ ଏହା ତାଙ୍କ ପାଇଁ ଶେଷ ସୁଯୋଗ ବୋଲି ଗୃହ କମିଟି ଚେତାଇ ଦେଇଥିଲେ  ।
    ସର୍ଭେ ରିପୋର୍ଟ ସମ୍ପର୍କରେ ବିରୋଧୀ ଦଳ ନେତା ଶ୍ରୀ ମିଶ୍ର କହିଥିଲେଯେ, ସର୍ଭେ ରିପୋର୍ଟ କେତେବେଳେ ସତ ହୋଇଥାଏ ତ କେତେବେଳେ ଭୁଲ ହୋଇଥାଏ  । ତେବେ ଏବେ ଯେଉଁ ସର୍ଭେ ରିପୋର୍ଟ କଥା କୁହାଯାଉଛି ତାହାକୁ ସେ ଗ୍ରହଣ କରିପାରୁନାହାନ୍ତି  । ଏହି ସର୍ଭେ ରିପୋର୍ଟ ସହ ସେ ଏକମତ ନୁହଁନ୍ତି ବୋଲି ନରସିଂହ କହିଥିଲେ  ।

    Maximum 500 characters

    ରାଜନୀତି View all

    Find Us on Facebook