Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜ୍ୟ ଖବର

ମୁଖ୍ୟ ଖବର

    କ୍ଷମା ମାଗିଲେ ଆୟାର, ୨୩ରେ ହାଜର ହେବାକୁ ନୋଟିସ

    Share on :
    Date: Oct 11, 2018    Views: 2859

    ଭୁବନେଶ୍ୱର : ‘ମୁଁ ଅକ୍ଷମଣୀୟ ଅପରାଧ କରିଛି  । କ୍ଷମା ମାଗୁଛି  ।’ ଇମେଲରେ ଏଭଳି କ୍ଷମା ଭିକ୍ଷା କରିଛନ୍ତି ଅଭିଜିତ ଆୟାର ମିତ୍ର  । ଅପରପକ୍ଷରେ ଆଜି ଗୃହ କମିଟି ନିକଟରେ ଆୟାର ହାଜର ହୋଇନଥିବାବେଳେ ତାଙ୍କୁ ହାଜର ହେବା ପାଇଁ ପୁଣି ନୋଟିସ କରାଯାଇଛି  । 

    ଗୁରୁବାର ନିର୍ଦ୍ଧାରିତ ସମୟରେ ଗୃହ କମିଟି ବୈଠକ ବସିଥିଲା  । ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବିଧାୟକ ସର୍ବଶ୍ରୀ ଦେବୀ ପ୍ରସାଦ ମିଶ୍ର, କନକବର୍ଦ୍ଧନ ସିଂହଦେଓ, ଅରୁଣ ସାହୁ, ସଂଜୟ କୁମାର ଦାଶବର୍ମା ଓ ପ୍ରମିଳା ମଲ୍ଲିକ ଉପସ୍ଥିତ ଥିଲେ  । ଅକ୍ଟୋବର ୧୧ରେ ହାଜର ହେବା ପାଇଁ ଆୟାରଙ୍କୁ ନୋଟିସ କରାଯାଇଥିଲା  । ଫଳରେ ସେ ଆଜି ଉପସ୍ଥିତ ରହିବେ କି ନାହିଁ ସେନେଇ ଉତ୍ସୁକତା ପ୍ରକାଶ ପାଇଥିଲା  । ତେବେ ଗୃହ କମିଟି ବୈଠକ ପରେ ବିରୋଧୀ ଦଳ ନେତା ଶ୍ରୀ ମିଶ୍ର କହିଥିଲେଯେ, ଅଭିଜିତ ଆୟାର ଆଜି ହାଜର ହେବେବୋଲି ମେଲରେ ସୂଚନା ଦେଇଥିଲେ  । ସେହିପରି ଅନ୍ୟ ଏକ ମେଲରେ ସେ ମଧ୍ୟ କ୍ଷମା ପ୍ରାର୍ଥନା କରିଥିଲେ  । ତେବେ ଓଡ଼ିଶାରେ ବାତ୍ୟା ହେଉଛି ବୋଲି ପ୍ରଚାର ହୋଇଥିବାରୁ ସେ ଆସିନଥାଇପାରନ୍ତି  । ଏହାକୁ ଆମେ ଅବମାନନା ବୋଲି ମନେ କରୁନାହୁଁ  । ଅକ୍ଟୋବର ୨୩ରେ ହାଜର ହେବାକୁ ତାଙ୍କୁ ଡିଜିପି ନୋଟିସ ଦେବେବୋଲି ନରସିଂହ କହିଥିଲେ  ।

    Maximum 500 characters

    ରାଜ୍ୟ ଖବର View all

    Find Us on Facebook