Jul 23, 2019
ମୁଖ୍ୟ ଖବର
ଭୁବନେଶ୍ୱର : ଅକ୍ଟୋବର ୧୧ରେ ହୋଇଥା’ନ୍ତା ଛାତ୍ର ସଂସଦ ନିର୍ବାଚନ । ପ୍ରାର୍ଥୀମାନେ ଦିନ ରାତି ମେହନତ କରିଥିଲେ । କିଏ ହେବ ସେମାନଙ୍କ ଛାତ୍ର ନେତା ? କାହାକୁ ଦେବେ ଭୋଟ ? ଛାତ୍ରଛାତ୍ରୀମାନେ ତାହା ବି ସ୍ଥିର କରିସାରିଥିଲେ । ହେଲେ ସବୁ କିଛି ବେଙ୍ଗା ହୋଇଗଲା । ‘ତିତଲି’ ଯୋଗୁଁ ନିର୍ବାଚନ ବାତିଲ ହୋଇଗଲା । ୧୧ ଓ ୧୨ ତାରିଖକୁ ଛୁଟି ଘୋଷଣା କରିଦିଆଗଲା । ଫଳରେ ନିଶ୍ଚିତ ବିଜୟର ଆଶା ରଖିଥିବା ଛାତ୍ରନେତାମାନଙ୍କ ମନ ନୈରାଶ୍ୟରେ ଭରିଯାଇଛି । ଅପରପକ୍ଷରେ ଛାତ୍ର ସଂସଦ ନିର୍ବାଚନକୁ ନେଇ ସଂଶୟ ଭିତରେ ଗତି କରୁଛନ୍ତି ଛାତ୍ରନେତା । ‘ତିତଲି’ ବିପଦ ଟଳିବା ପରେ ଛାତ୍ର ସଂସଦ ନିର୍ବାଚନ ହେଉ ବୋଲି ଏବିଭିପି, ଛାତ୍ର କଂଗ୍ରେସ ଓ ଛାତ୍ର ବିଜେଡ଼ି ପକ୍ଷରୁ ଦାବି କରାଯାଇଛି । ତେବେ ଆଜି ସ୍ୱତନ୍ତ୍ର ରିଲିଫ କମିଶନର ପରୋକ୍ଷରେ ଯେଉଁ ସଂକେତ ଦେଇଛନ୍ତି ଏବେ ଛାତ୍ର ସଂସଦ ନିର୍ବାଚନ ହେବ ନାହିଁ ବୋଲି ଅନୁମାନ କରାଯାଉଛି । ୧୧ ଓ ୧୨ ଦୁଇଦିନ ଧରି ଛୁଟି ଥିବାବେଳେ କେବେ ସ୍କୁଲ ଓ କଲେଜ ଖୋଲିବ ବୋଲି ତାଙ୍କୁ ପ୍ରଶ୍ନ କରାଯାଇଥିଲା । ତେବେ ଏସଆରସି ବିଷ୍ଣୁପଦ ସେଠୀ କହିଥିଲେଯେ, ଏହା ପରେ ଦଶହରା ଛୁଟି ହୋଇଯିବ । ଅର୍ଥାତ କୁମାରପୂର୍ଣ୍ଣିମା ପରେ ଯାଇ ହିଁ ସ୍କୁଲ ଓ କଲେଜ ଖୋଲିବ । ତେଣୁ ଏହା ପରେ ହିଁ ଛାତ୍ର ସଂସଦ ନିର୍ବାଚନ ହେବବୋଲି ଚର୍ଚ୍ଚା ଆରମ୍ଭ ହୋଇଯାଇଛି ।
Comments ସମସ୍ତ ମତାମତ 0