Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜ୍ୟ ଖବର

ମୁଖ୍ୟ ଖବର

    ଗଜପତିରେ ହୋଇଛି ଅଧିକ କ୍ଷତି

    Share on :
    Date: Oct 11, 2018    Views: 1609

    ଭୁବନେଶ୍ୱର : ‘ତିତଲି’ ପ୍ରଭାବରେ ଗଜପତିରେ ଅଧିକ କ୍ଷୟକ୍ଷତି ହୋଇଥିବା ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି  । ଗଛ ପଡ଼ିଯାଇଥିବାରୁ ଗମନାଗମନ ବାଧାପ୍ରାପ୍ତ ହୋଇଛି  । କାଶୀନଗର, ମୋହନା ଭଳି ପ୍ରମୁଖ ରାସ୍ତାରେ ଗମନାଗମନ ଏକରକମ ଠପ ହୋଇଯାଇଛି  । ସେହିପରି ଅନେକ କଚ୍ଚା ଘର ଭାଙ୍ଗି ଯାଇଥିବାବେଳେ ଆଜବେଷ୍ଟସ ଛପର ମଧ୍ୟ ଉଡ଼ିଯାଇଛି  । ଗଜପତି ଜିଲ୍ଲାପାଳଙ୍କ ପକ୍ଷରୁ ସ୍ୱତନ୍ତ୍ର ରିଲିଫ କମିଶନରଙ୍କୁ ଏଭଳି ସୂଚନା ଦିଆଯାଇଛି  । ତେବେ ଗଞ୍ଜାମରେ ବିଶେଷ କ୍ଷୟକ୍ଷତି ହୋଇନାହିଁ ବୋଲି ସ୍ୱତନ୍ତ୍ର ରିଲିଫ କମିଶନର ବିଷ୍ଣୁପଦ ସେଠୀ ସୂଚନା ଦେଇଛନ୍ତି  । ଶ୍ରୀ ସେଠୀ କହିଛନ୍ତିଯେ,  ଗତକାଲି ପ୍ରାୟ ୩ ଲକ୍ଷ ଲୋକଙ୍କୁ ବାତ୍ୟା ଆଶ୍ରୟସ୍ଥଳୀ ଓ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଥିଲା  । ରାଜ୍ୟରେ କେତେ ପରିମାଣରେ ବର୍ଷା ହୋଇଛି ଓ ବନ୍ୟାର ଆଶଙ୍କା ରହିଛି କି ନାହିଁ ସେନେଇ ସରକାର ନୀରିକ୍ଷଣ କରୁଛନ୍ତି  । ତେବେ ଆଜି ଦିନ ସାରା ୬୦ରୁ ୯୦ କିଲୋମିଟର ବେଗରେ ପବନ ବହିବ ବୋଲି ଆକଳନ କରାଯାଉଛି  । ସ୍ଥାନେସ୍ଥାନେ ବର୍ଷାର ମଧ୍ୟ ସମ୍ଭାବନା ରହିଛି  । ଅପରପକ୍ଷରେ ଗମନାଗମନକୁ ସ୍ୱାଭାବିକ କରିବା ପାଇଁ  ତ୍ୱରିତ ପଦକ୍ଷେପ ଗ୍ରହଣ କରାଯାଉଛି ବୋଲି ଏସଆରସି ପ୍ରକାଶ କରିଛନ୍ତି  ।

    Maximum 500 characters

    ରାଜ୍ୟ ଖବର View all

    Find Us on Facebook