Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ୫ ରାଜ୍ୟର ବିଧାନସଭା ନିର୍ବାଚନ ତାରିଖ ଘୋଷିତ, ଡିସେମ୍ବର ୧୧ରେ ଭାଗ୍ୟଫଳ

    Share on :
    Date: Oct 6, 2018    Views: 2029

    ନୂଆଦିଲ୍ଲୀ: ୨୦୧୯ ସାଧାରଣ ନିର୍ବାଚନ ରୂପୀ ଫାଇନାଲ ପୂର୍ବରୁ ସେମିଫାଇନାଲ । ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼, ମିଜୋରମ ଓ ତେଲେଙ୍ଗାନାରେ ଏବେ ରାଜନୈତିକ ଦଳ ଓ ରାଜନେତା ସେମିଫାଇନାଲ ଖେଳିବେ । ଏନେଇ ବିଗୁଲ ବାଜି ସାରିଛି ।  କାରଣ ସମ୍ପୃକ୍ତ ୫ଟି ରାଜ୍ୟର ବିଧାନସଭା ନିର୍ବାଚନ ପାଇଁ ଶନିବାର ଅପରାହ୍ନରେ ତାରିଖ ଘୋଷଣା କରାଯାଇଛି । ନିର୍ବାଚନ କମିଶନ ତାଙ୍କ ନୂଆଦିଲ୍ଲୀସ୍ଥିତ କାର୍ଯ୍ୟାଳୟରେ ଅୟୋଜିତ ଏକ ସାମ୍ବାଦିକ ସମ୍ମିଳନୀରେ ଏନେଇ ବିଜ୍ଞପ୍ତି ଜାରି କରିଛନ୍ତି । ତଦନୁଯାୟୀ ମଧ୍ୟପ୍ରଦେଶରେ ୨୮ ନଭେମ୍ବର, ମିଜୋରମରେ ୨୮ ନଭେମ୍ବର, ରାଜସ୍ଥାନ ଓ ତେଲେଙ୍ଗାନାରେ ଡିସେମ୍ବର ୭, ଛତିଶଗଡ଼ରେ ନଭେମ୍ବର ୧୨ ଓ ୨୦ରେ ନିର୍ବାଚନ ଅନୁଷ୍ଠିତ ହେବ ।

    -- ଛତିଶଗଡ଼ରେ ୨ଟି ପର୍ଯ୍ୟାୟରେ ଭୋଟ ଗ୍ରହଣ କରାଯିବ । ନଭେମ୍ବର ୧୨ରେ ଛତିଶଗଡ଼ର ନକ୍ସଲ ପ୍ରଭାବିତ ଅଞ୍ଚଳରେ ଭୋଟ ଗ୍ରହଣ କରାଯିବ । ନକ୍ସଲ ପ୍ରଭାବିତ ୧୮ଟି ଆସନରେ ନଭେମ୍ବର ୧୨ରେ ଭୋଟ ଗ୍ରହଣ କରାଯିବ । ନଭେମ୍ବର ୨୦ରେ ବାକି ୭୨ଟି ଆସନରେ ଭୋଟ ଗ୍ରହଣ କରାଯିବ ।

    -- ସେହିପରି ମଧ୍ୟପ୍ରଦେଶ ଓ ମିଜୋରମରେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ କରାଯିବ । ନଭେମ୍ବର ୨୮ରେ ମଧ୍ୟ ପ୍ରଦେଶ ଓ ମିଜୋରମରେ ଭୋଟ ଗ୍ରହଣ କରାଯିବ ।

    -- ରାଜସ୍ଥାନ ଓ ତେଲେଙ୍ଗାନାରେ ମଧ୍ୟ ଗୋଟିଏ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ । ଉଭୟ ରାଜ୍ୟରେ ଡିସେମ୍ବର ୭ରେ ଭୋଟ ଗ୍ରହଣ କରାଯିବ ।

    ତେବେ ଡିସେମ୍ବର ୧୧ରେ ସମସ୍ତ ୫ଟି ରାଜ୍ୟର ଭୋଟ ଗଣତି ପାଇଁ ଦିନ ଧାର୍ଯ୍ୟ କରାଯାଇଛି ।

    ପ୍ରକାଶ ଯେ, ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ ଓ  ମିଜୋରମ ଭଳି ୪ଟି ରାଜ୍ୟର ବିଧାନସଭା କାର୍ଯ୍ୟକାଳ ସମାପ୍ତ ହେବାକୁ ଯାଉଥିବାବେଳେ ଆଗୁଆ ନିର୍ବାଚନ ପାଇଁ ତେଲେଙ୍ଗାନା ସରକାର ଗତ ମାସରେ ବିଧାନସଭା ଭଙ୍ଗ କରିଥିଲେ । 

    ଉପରୋକ୍ତ ୫ଟି ରାଜ୍ୟ ମଧ୍ୟରୁ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ରେ ବିଜେପି ଶାସନ କ୍ଷମତାରେ ଥିବାବେଳେ ମିଜୋରମରେ କଂଗ୍ରେସ ସରକାର ଗଢିଥିଲା ।  ସେହିପରି ତେଲେଙ୍ଗାନାରେ କେ.ଚନ୍ଦ୍ରଶେଖଣ ରାଓଙ୍କ ଟିଆରଏସ ସରକାର ଗଢିଥିଲା ।

    Read more

    ଟିଟିଲାଗଡ଼ରେ ବିଜେଡ଼ି ଓ କଣ୍ଟାବାଞ୍ଜିରେ କଂଗ୍ରେସ ଆଗୁଆ

    ଟିଟିଲାଗଡ଼ : ଟିଟିଲାଗଡ଼ ବିଧାନସଭା ମଣ୍ଡଳୀରେ ପ୍ରଥମ ପର୍ୟ୍ୟାୟ ଭୋଟ ଗଣତି ପରେ ବିଜେଡ଼ିର ଟୁକୁନି ସାହୁ ୯୫୪ ଭୋଟରେ ଆଗୁଆ ରହିଛନ୍ତି। ଗୋଟିଏ ମେସିନ ଖରାପ ଯୋଗୁଁ ଭୋଟ ଗଣନା ବାଧାପ୍ରାପ୍ତ ହୋଇଛି। ଅନ୍ୟପକ୍ଷରେ କଣ୍ଟାବାଞ୍ଜି ବିଧାନସଭା ଆସନରେ ପ୍ରଥମ ପର୍ୟ୍ୟାୟ ...

    Read more

    ଲୋକସଭା: ବିଜେଡି ୧୧, ବିଜେପି ୮ ଆସନରେ ଆଗୁଆ

    ଭୁବନେଶ୍ଵର: ଓଡ଼ିଶାର ୨୧ ଲୋକସଭା ଆସନରେ ଗୁରୁବାର ସକାଳ ୮ଟାରୁ ଭୋଟ ଗଣନା ଚାଲିଛି। ସକାଳ ୧୦ଟା ୩୦ ସୁଦ୍ଧା ରାଜ୍ୟର ୩ ପ୍ରମୁଖ ରାଜନୈତିକ ଦଳ ମଧ୍ୟରୁ ବିଜେଡି ୧୨ଟି ଆସନରେ ଆଗୁଆ ଥିବାବେଳେ ବିଜେପି ୭ ଆସନରେ ଆଗୁଆ ରହିଛି।

     ଭୁବନେଶ୍ଵରରେ ଅପରାଜିତା ଷଡ଼ଙ୍ଗୀ, ...

    Read more

    ରବିବାର ଅନ୍ତିମ ପର୍ଯ୍ୟାୟ ନିର୍ବାଚନ

    ନୂଆଦିଲ୍ଲୀ: ଦେଶରେ ଶେଷ ତଥା ସପ୍ତମ ପର୍ୟ୍ୟାୟ ମତଦାନ ପାଇଁ ଆଜି ୫୯ ଆସନରେ ସରୁଛି ପ୍ରଚାର । ଉତରପ୍ରଦେଶର ୧୩, ପଂଜାବର ୧୩, ପଶ୍ଚିମବଙ୍ଗର ୯ ଆସନ, ବିହାର ଓ ମଧ୍ୟପ୍ରଦେଶର ୮ଟି ଲେଖାଏଁ, ହିମାଚଳପ୍ରଦେଶର ୪ , ଝାଡଖଣ୍ଡର ୩ ଆସନ, ଚଣ୍ଡିିଗଡର ଗୋଟିଏ ଆସନରେ ହେବ ମତଦାନ । ...

    Maximum 500 characters

    ଦେଶ ବିଦେଶ View all

    Find Us on Facebook