Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ଓଡ଼ିଶାରେ ବିଜେପି ଏକତରଫା ବିଜୟ ହାସଲ କରିବ: ଅରୁଣ ସିଂହ

    Share on :
    Date: Oct 6, 2018    Views: 767

    ଭୁବନେଶ୍ୱର: ଓଡ଼ିଶାରେ ବିଜେପି ଏକତରଫା ବିଜୟ ହାସଲ କରିବ । ଆମେ ମିଶନ ୧୨୦+ ଲକ୍ଷ୍ୟରେ ଆଗକୁ ବଢୁଛୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୀରୁ ପ୍ରାର୍ଥୀ ହେବା ଚର୍ଚ୍ଚା ପ୍ରସଙ୍ଗରେ ନିଜର ପ୍ରତିକ୍ରିୟା ରଖି ବିଜେପି ପ୍ରଭାରୀ ଅରୁଣ ସିଂହ ଏହା କହିଛନ୍ତି ।  ଅରୁଣ ସିଂହ କହିଛନ୍ତି ଯେ, ମୋଦି ପୁରୀରୁ ପ୍ରାର୍ଥୀ ହେବେ କି ନାହିଁ ସେନେଇ ଖୋଦ୍ ମୋଦି ଓ ସଂସଦୀୟ ବୋର୍ଡ ନିଷ୍ପତ୍ତି ନେବ । ତେବେ ଓଡ଼ିଶାରେ ବିଜେପି ଏକତରଫା ବିଜୟ ହାସଲ କରିବ ବୋଲି ସେ ଦମ୍ଭର ସହ ପ୍ରକାଶ କରିଛି । 

    ଗତକାଲି ପୁରୀରୁ ମୋଦିଙ୍କ ସମ୍ଭାବ୍ୟ ପ୍ରାର୍ଥôତ୍ୱ ନେଇ ସୂଚନା ଦେଇଥିଲେ ରାଜ୍ୟ ବିଜେପି ସଭାପତି ବସନ୍ତ ପଣ୍ଡା  । ସେ କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୁରୀ ଲୋକସଭା ଆସନରୁ ପ୍ରାର୍ଥୀ ହେବାକୁ ପ୍ରସ୍ତାବ ଦେଇଛୁ । ସଂସଦୀୟ ବୋର୍ଡ ଏନେଇ ଚୂଡ଼ାନ୍ତ ନିଷ୍ପତ୍ତି ନେବ  । ଜାତୀୟ ଗଣମାଧ୍ୟମ ସର୍ଭେରେ ବିଜେପିକୁ ସଫଳତା ମିଳିବା ପ୍ରସଙ୍ଗକୁ ନେଇ ରାଜ୍ୟ ବିଜେପି ସଭାପତି ବସନ୍ତ ପଣ୍ଡା ନିଜର ପ୍ରତିକ୍ରିୟା ରଖି ଏହା କହିଥିଲେ । ଏହାଛଡ଼ା ସର୍ଭେ ରିପୋର୍ଟ ଠାରୁ  ଅଧିକ ଆସନରେ ବିଜେପି ଜିତିବା ନେଇ ଦଳ ଆଶାବାଦୀ ଥିବା ଶ୍ରୀ ପଣ୍ଡା କହିଥିଲେ ।

    ଏଠାରେ ଉଲ୍ଲେଖ ଯୋଗ୍ୟ ଯେ, ଆସନ୍ତା ୨୦୧୯ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେତୃତ୍ୱାଧୀନ ବିଜେପି ଓଡ଼ିଶାରୁ ସର୍ବାଧିକ ଲୋକସଭା ଆସନ ଜିତିବ । ଜାତୀୟ ଗଣମାଧ୍ୟମ ଏବିପି ପକ୍ଷରୁ କରାଯାଇଥିବା ଏକ ସର୍ଭେରେ ଏହି ଆକଳନ କରାଯାଇଛି । 
    ଜାତୀୟ ଗଣମାଧ୍ୟମ ଏବିପି ପକ୍ଷରୁ କରାଯାଇଥିବା ଏକ ସର୍ଭେରେ ଏହି ଆକଳନ କରାଯାଇଛି । ଏପରିକି ସମଗ୍ର ଦେଶରେ ମୋଟ ୫୪୩ଟି ଆସନରୁ ବିଜେପି ୨୭୬ଟି ଆସନ ଜିତିବ ବୋଲି ଆକଳନ କରାଯାଇଛି । 

    ଆକଳନ ଅନୁଯାୟୀ ଓଡ଼ିଶାରେ ବିଜେପି ସର୍ବାଧିକ ଲୋକସଭା ଆସନ ଜିତିବାକୁ ଥିବାବେଳେ ବିଜେଡି ଦ୍ୱିତୀୟ ସ୍ଥାନରେ ରହିବ । ବିଜେପି ନେତୃତ୍ୱାଧୀନ ଏନଡିଏ ମୋଟ ୨୧ଟି ଲୋକସଭା ଆସନରୁ ୧୩ଟି ଜିତିବ ।

    ତେବେ ଏବିପି ପକ୍ଷରୁ କରାଯାଇଥିବା ଏହି ସର୍ଭେ ବିଜେଡି ସପକ୍ଷରେ ଯାଉନାହିଁ । କାରଣ ସର୍ଭେ ରିପୋର୍ଟ ଅନୁଯାୟୀ ବିଜେଡି ମୋଟ ୨୧ଟି ଲୋକସଭା ଆସନରୁ ମାତ୍ର ୬ଟି ବିଜୟ ଲାଭ କରିବ । ସେହିପରି କଂଗ୍ରେସ ମାତ୍ର ୨ଟି ଆସନ ଜିତିବ ।

    ଭୋଟ ସେୟାର ଦୃଷ୍ଟିରୁ ଉକ୍ତ ସର୍ଭେ ରିପୋର୍ଟ ଦର୍ଶାଉଛି ଯେ, ଏନଡିଏ ୩୯.୬ ପ୍ରତିଶତ ଭୋଟ ହାତେଇବ । ଅନ୍ୟପକ୍ଷରେ ବିଜେଡି  ଓ କଂଗ୍ରେସ ପକେଟକୁ ଯଥାକ୍ରମେ ୩୧.୬ ଓ ୨୩.୫ ପ୍ରତିଶତ ଭୋଟ ଯିବ । ବାକି ୫.୩ ପ୍ରତିଶତ ଭୋଟ ଅନ୍ୟ ଦଳକୁ ଯିବ ବୋଲି ସର୍ଭେ ରିପୋର୍ଟରେ ଦର୍ଶାଯାଇଛି । 

    Maximum 500 characters

    ରାଜନୀତି View all

    Find Us on Facebook