Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି ତଡ଼କା

ମୁଖ୍ୟ ଖବର

    ସୂର୍ଯ୍ୟ ଜଣେ ପଚାସଢା ଲୋକ: ଦାମ

    Share on :
    Date: Sep 17, 2018    Views: 2499

    ଭୁବନେଶ୍ୱର: ରାଜନୀତିରେ ଆରୋପ ଓ ପ୍ରତ୍ୟାରୋପ, ଆକ୍ଷେପ ଓ ପ୍ରତିଆକ୍ଷେପ  ସାଧାରଣ କଥା । ରାଜନୀତିରେ ଗୋଟିଏ ରାଜନୈତିକ ଦଳ ଅନ୍ୟ ଏକ ରାଜନୈତିକ ଦଳକୁ  ଆକ୍ଷେପ କରିବା କିମ୍ବା କୌଣସି ରାଜନେତା ଅନ୍ୟ ଜଣେ ରାଜନେତାଙ୍କୁ ଇଙ୍ଗିତ କରି ଆକ୍ଷେପ କରିବା ପ୍ରାୟତଃ ଦେଖିବାକୁ ମିଳିଥାଏ । ତେବେ ବର୍ତ୍ତମାନ ଓଡ଼ିଶା ରାଜନୀତିରେ ଗତ କିଛି ଦିନ ହେଲା ଆରୋପ ଓ ପ୍ରତ୍ୟାରୋପର ମାତ୍ରା ଟିକିଏ ଅଧିକ ହୋଇଯାଇଛି ।

    ବିଜେଡିରୁ ବହିଷ୍ଣୃତ ଦାମୋଦର ରାଉତ, ଜଗତସିଂହପୁର ଜିଲ୍ଲା ବିଜେଡି ସଭାପତି ବିଷ୍ଣୁ ଦାସ ଓ ଖାଦ୍ୟ ଯୋଗାଣ ଓ ସମବାୟ ମନ୍ତ୍ରୀ  ସୂର୍ଯ୍ୟନାରାୟଣ ପାତ୍ରଙ୍କୁ ଉଦାହରଣଭାବେ ନେଲେ ଏହା ସ୍ପଷ୍ଟ ବୁଝାପଡ଼ୁଛି । କେତେବେଳେ ଦାମ ଓ ବିଷ୍ଣୁ ତ କେତେବେଳେ ଦାମ ଓ ସୂର୍ଯ୍ୟ ପାତ୍ର । କେହି କାହାକୁ ଛାଡ଼ୁ ନାହାନ୍ତି  । ସମସ୍ତେ ପରସ୍ପରର ଖିଅ ବାହାର କରୁଛନ୍ତି । ଜଣେ ଜଣଙ୍କୁ ଆକ୍ଷେପ କଲେ ସେ ଉକ୍ତ ଆକ୍ଷେପକୁ ସୁଧମୂଳ ସହ ଫେରାଇ ଦେଉଛନ୍ତି ।  କିଏ କାହାକୁ ମଲା କଙ୍କଡ଼ା କହୁଛି ତ କିଏ କାହାକୁ ଘୃଣିତ, ଦୁର୍ନୀତି ଗ୍ରସ୍ତ ଓ ନଷ୍ଟ ଚରିତ୍ର ମଧ୍ୟ କହୁଛନ୍ତି ।
     
    ତେବେ ଏହାରି ମଧ୍ୟରେ ଦାମୋଦର ରାଉତ  ମନ୍ତ୍ରୀ ସୂର୍ଯ୍ୟନାରାଣ ପାତ୍ରଙ୍କୁ ପଚାସଢା ଲୋକ କହି ଆକ୍ଷେପ କରିଛନ୍ତି । ସୋମବାର ଦାମଙ୍କ ସହ ଗ୍ୟାଙ୍ଗଷ୍ଟର ଟିଟୋଙ୍କ ସମ୍ପର୍କ ଅଛି ବୋଲି ମନ୍ତ୍ରୀ ଶ୍ରୀ ପାତ୍ର କହିବା ପରେ ଦାମବାବୁ ତାଙ୍କୁ ଏଭଳି ଆକ୍ଷେପ କରିଛନ୍ତି । ଏହାଛଡ଼ା ଦାମବାବୁ କହିଛନ୍ତି ଯେ, ସୂର୍ଯ୍ୟ ଜଣେ ନୀତିହୀନ, ଭ୍ରଷ୍ଟ ଓ ଦୁର୍ନୀତିଗ୍ରସ୍ତ ଲୋକ । ପଇସା ପାଇଁ ସେ ପୁଅର ବାପା ନାମ ବି ବଦଳାଇ ଦେଇପାରନ୍ତି । ସୂର୍ଯ୍ୟ ଜଣେ ପଚାସଢା ଲୋକ । ପ୍ୟାରୀ ବାବୁଙ୍କୁ ସୂର୍ଯ୍ୟ କଣ ଦାନ ଦେଇଥିଲେ ତାର ଫଟୋ ମଧ୍ୟ ଥିବା ଦାମୋଦର ରାଉତ କହିଛନ୍ତି । 

    Maximum 500 characters

    ରାଜନୀତି ତଡ଼କା View all

    Find Us on Facebook