Nov 15, 2018
ମୁଖ୍ୟ ଖବର
ସୁନ୍ଦରଗଡ଼: ଭତ୍ତା ଟଙ୍କା ଦେବାକୁ ମାଆ ମନା କଲା । ଆଉ ଏଥିରେ ଉତକ୍ଷିପ୍ତ ହୋଇ ଦୁଇ ପୁଅ ମିଶି ମାକୁ ମାରିଦେଲେ । ଏପରି ଏକ ଅମାନୁଷିକ କାଣ୍ଡ ସୁନ୍ଦରଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ବାରଗଡ଼ା ଗ୍ରାମରେ ଦେଖିବାକୁ ମିଳିଛି । ଦୁଇ ପୁଅ ମିଶି ମାକୁ ଟାଙ୍ଗିଆରେ ହାଣି ହତ୍ୟା କରିଛନ୍ତି । ତେବେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
ପ୍ରକାଶ ଯେ, ମା ପାଇଥିବା ବିଧବଭତ୍ତା ଟଙ୍କା ଦୁଇ ପୁଅ ମାଗିଥିଲେ । କିନ୍ତୁ ମା ଦେବାକୁ ମନା କରିଦେଇଥିଲା । ସେଥିପାଇଁ ଦୁଇ ପୁଅ ସହ ମା’ଙ୍କ ଝଗଡ଼ା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଦୁଇ ପୁଅ ମିଶି ଟାଙ୍ଗିଆରେ ହାଣି ମାକୁ ହତ୍ୟା କରିଥିବା ଅଭିଯୋଗ ହୋଇଛି ।
Comments ସମସ୍ତ ମତାମତ 0