Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଆଂଚଳିକ

ମୁଖ୍ୟ ଖବର

    ଓସିଏଲକୁ ସିଏସଆର ପୁରସ୍କାର

    Share on :
    Date: Sep 13, 2018    Views: 87

    ଭୁବନେଶ୍ୱର : ଏକ ଦାୟିତ୍ୱବାନ କର୍ପୋରେଟ ନାଗରିକ ଭାବେ ନିଜର ପ୍ରତିବଦ୍ଧତାକୁ ଦୋହରାଇ ଡାଲମିଆ ସିମେଣ୍ଟ(ଭାରତ) ଲିମିଟେଡ୍ର ପ୍ରମୁଖ କମ୍ପାନୀ ଓସିଏଲ ଇଣ୍ଡିଆ ଲିମିଟେଡ, ଏକ କର୍ପୋରେଟ ଭାବେ ଶ୍ରେଷ୍ଠ ସିଏସ୍ଆର୍ ପଦ୍ଧତି କାର୍ଯ୍ୟକାରୀ କରିଥିବାରୁ ସିଏସଆର କମୁ୍ୟନିଟି ଇନିସିଏଟିଭସ ପୁରସ୍କାର ହାସଲ କରି ନିଜ ସଫଳତାରେ ଆଉ ଏକ ଫର୍ଦ୍ଧ ଯୋଡ଼ିଛି । ଏହି ପୁରସ୍କାରକୁ ଡକ୍ଟର ନିଳାଦ୍ରୀ ପାର୍ହି, ମୁଖ୍ୟ ସିଏସଆର, ଓସିଏଲ ଇଣ୍ଡିଆ ଲିମିଟେଡ ଓ ବିଶାଲ ଭାରଦ୍ୱାଜ, ମୁଖ୍ୟ-ଡାଲମିଆ ଭାରତ ଫାଉଣ୍ଡେସନଙ୍କ ନେତୃତ୍ୱାଧୀନ ସିଏସଆର ଟିମ୍ ଶଶି ଭୂଷଣ ବେହେରା, ମାନ୍ୟବର ମନ୍ତ୍ରୀ, ଅର୍ଥ ଓ ଅବକାରୀ, ଓଡ଼ିଶା ସରକାରଙ୍କଠାରୁ ଗ୍ରହଣ କରିଛନ୍ତି । ଓଡ଼ିଶା ସିଏସ୍ଆର ଫୋରମ ପକ୍ଷରୁ ଆୟୋଜନ କରାଯାଇଥିବା ଏହି କାର୍ଯ୍ୟକ୍ରମରେ ଡକ୍ଟର ସୁଧାଂଶୁ ଷଡ଼ଙ୍ଗୀ, ଅତିରିକ୍ତ ପୋଲିସ ଡିଜି,  ଅଂଜନା ପଣ୍ଡା, ଯୁଗ୍ମ ସଚିବ, ଓଡ଼ିଶା ସରକାର ଓ ଡକ୍ଟର ଏସ୍ ପଶୁପାଳକ, କୁଳପତି, ଓଡ଼ିଶା କୃଷି ବିଶ୍ୱବିଦ୍ୟାଳୟ ଉପସ୍ଥିତ ଥିଲେ ।
    ସ୍ଥାନୀୟ ସମାଜ ଓ ସିଏସଆର ପ୍ରତି ଥିବା ପ୍ରତିଶ୍ରୁତିବଦ୍ଧତା ବିଷୟରେ ସୁନୀଲ ଗୁପ୍ତା, କାର୍ଯ୍ୟନିର୍ବାହୀ ନିର୍ଦେଶକ-ମାନୁଫାକଚରିଂ (ପୂର୍ବାଞ୍ଚଳ), ଡିସିବିଏଲ୍ କହିଛନ୍ତି ଯେ, “ରାଜଗାଙ୍ଗପୁର ଓ ଓଡ଼ିଶାର ଅନେକ ଅଂଚଳକୁ ବିକଶିତ କରିବା ପାଇଁ ଦୀର୍ଘ ବର୍ଷ ହେଲାଣି ଓସିଏଲ ଇଣ୍ଡିଆ ପ୍ରତିଶ୍ରୁତିବଦ୍ଧ । ଏକ କମ୍ପାନୀ ଭାବେ ବିଗତ ୭୦ ବର୍ଷ ହେଲାଣି ଓସିଏଲ୍ ଇଣ୍ଡିଆ ପକ୍ଷରୁ ସମାଜର ବିକାଶ ଜରିଆରେ ଦାୟିତ୍ୱବାନ ବ୍ୟବସାୟ ପ୍ରକ୍ରିୟାକୁ ଅନୁକରଣ କରାଯାଉଛି । ବିଗତ ସାତ ଦଶନ୍ଧୀ ଧରି ଓ ଏବେ ଡାଲମିଆ ଭାରତ ଗ୍ରୁପର ଏକ କମ୍ପାନୀ ଭାବେ ଓସିଏଲ ଇଣ୍ଡିଆ ୧୯୫୦ ପରଠାରୁ କେବଳ ଓଡ଼ିଶାର ଭିତିଭୂମିକୁ ସ୍ଥିତି ପ୍ରଦାନ କରିବା ଓ ଜିଡିପି ଅଭିବୃଦ୍ଧିରେ ସହାୟକ ହୋଇନାହିଁ, ବରଂ ଏହାର ମାନୁଫାକଚରିଂ କାରଖାନାର ଆଖପାଖ ଗୋଷ୍ଠୀ ବିକାଶ ପାଇଁ ଏକ ମୂଳଦୁଆ ସ୍ଥାପନ କରିଛି ।’’
    ବିଗତ ବର୍ଷଗୁଡ଼ିକରେ ଓସିଏଲ ଇଣ୍ଡିଆ ରାଜଗାଙ୍ଗପୁର ଓ ଓଡ଼ିଶାର ଅନେକ ଅନ୍ୟାନ୍ୟ ଅଂଚଳର ବିକାଶ ପାଇଁ ପ୍ରତିଶ୍ରୁତିବଦ୍ଧ ରହିଛି । ଅତୀତରେ ଏହା ସ୍ଥାନୀୟ ଲୋକଙ୍କ ପାଇଁ ବିପୁଳ ପ୍ରତ୍ୟକ୍ଷ ଓ ପରୋକ୍ଷ ନିଯୁକ୍ତି ସୁଯୋଗ ସୃଷ୍ଟି କରିଛି । କମ୍ପାନୀ ପକ୍ଷରୁ ରାଜଗାଙ୍ଗପୁର ଯୁବପିଢ଼ିଙ୍କ ନିଯୁକ୍ତି ହାସଲ କ୍ଷମତା ବୃଦ୍ଧି କରାଯାଇଛି ଓ ଡାଲମିଆ ଶିଳ୍ପ ତାଲିମ ପ୍ରତିଷ୍ଠାନ ଓ ଡାଲମିଆ ଭାରତ ଫାଉଣ୍ଡେସନ୍୍ର ରାଉରକେଲାଠାରେ ଥିବା ଦକ୍ଷତା ବିକାଶ କେନ୍ଦ୍ରର ସହଯୋଗିତାରେ ବିଭିନ୍ନ ପ୍ରକାର ତାଲିମ କାର୍ଯ୍ୟକ୍ରମ ଜରିଆରେ ଦକ୍ଷତାରେ ବୃଦ୍ଧି କରି ଏହି ଅଂଚଳର ମହିଳାମାନଙ୍କୁ ମଧ୍ୟ ଆର୍ଥିକ ସ୍ତରରେ ସ୍ୱାଧୀନ କରିପାରିଛି । ରାଜଗାଙ୍ଗପୁରରେ ଓସିଏଲ୍ ଇଣ୍ଡିଆ ପକ୍ଷରୁ ମାତୃ ଓ ଶିଶୁ ଯତ୍ନ କେନ୍ଦ୍ରକୁ ସ୍ୱତନ୍ତ୍ର ଶିଶୁରୋଗ ବିଶେଷଜ୍ଞ ପ୍ରଦାନ କରାଯାଇଛି ଓ ସ୍ଥାନୀୟ ପ୍ରଶାସନ ସହଯୋଗରେ ସାପ୍ତାହିକ ବଜାର ସ୍ଥଳକୁ ପୁନର୍ଗଠିତ କରାଯାଇଛି । ବର୍ଷ ସାରା ଯେଭଳି ବ୍ୟବସାୟୀମାନେ ନିଜର ଉପôାଦ ବିକ୍ରି କରିପାରିବେ ସେଥିପାଇଁ ସେମାନଙ୍କ ବସିବା ସ୍ଥାନକୁ ଛାତ ପ୍ରଦାନ କରାଯାଇଛି ।
    ସୁନ୍ଦରଗଡ଼କୁ ଅନ୍ଧତ୍ୱମୁକ୍ତ କରିବା ପାଇଁ ଓସିଏଲ ଇଣ୍ଡିଆ ପକ୍ଷରୁ ଏକ ମିଶନ୍ ହାତକୁ ନିଆଯାଇଛି । ଏଲ୍ଭିପିଇଆଇର ସହଯୋଗିତାରେ ଓସିଏଲ୍ ଆଇ ସେଣ୍ଟର ପକ୍ଷରୁ ବିଗତ ୩ ବର୍ଷରେ ୫୦,୪୮୧ ବର୍ହି ରୋଗୀଙ୍କୁ ସେବା ପ୍ରଦାନ କରାଯାଇଛି ଯେଉଁମାନଙ୍କ ମଧ୍ୟରୁ ୧୬,୫୪୩ (୩୩%)ଙ୍କୁ ମାଗଣାରେ ସେବା ପ୍ରଦାନ କରାଯାଇଛି । ଏହି ତିନି ବର୍ଷରେ ୨୩,୮୬୧ (୪୭%) ମହିଳା ରୋଗୀଙ୍କ ମଧ୍ୟ ଚିକିତ୍ସା କରାଯାଇଛି । ଓସିଏଲ୍ ଆଇ ସେଣ୍ଟର ମୋଟ ୩୫୭୪ ଅସ୍ତ୍ରୋପଚାର କରିଥିବା ବେଳେ ସେଥି ମଧ୍ୟରୁ ୨୫୦୦ ମାଗଣାରେ କରାଯାଇଛି । ୨୦୧୬ରେ କମ୍ପାନୀ ପକ୍ଷରୁ ଲାଂଜିବେର୍ଣ୍ଣାରେ ଓସିଏଲ୍ ଭିଜନ୍ ସେଣ୍ଟର୍ ସ୍ଥାପନ କରାଯାଇଛି ଓ ଏହା ସ୍ଥାନୀୟ ସମ୍ପ୍ରଦାୟ ପାଇଁ ସମାନ ରୂପରେ ଲାଭଦାୟକ ହୋଇଛି ।
    ଖଣି ଜିଲ୍ଲାରେ ସିଏସ୍ଆର୍ କାର୍ଯ୍ୟକ୍ରମ ବିଷୟରେ ସରୋଜ କୁମାର ରାଉତ, ମୁଖ୍ୟ-ଖଣି, ଓସିଏଲ୍ ଇଣ୍ଡିଆ ଲିମିଟେଡ୍ କହିଛନ୍ତି ଯେ, “ଓସିଏଲ୍ ସବୁ ବେଳେ ସ୍ଥାନୀୟ ସମ୍ପ୍ରଦାୟକୁ ବଡ଼ ଧରଣରେ ସହଯୋଗ ପ୍ରଦାନ କରୁଛି ଓ ସେମାନଙ୍କ ବୃହତର ସ୍ୱାର୍ଥ ପ୍ରତି ପ୍ରତିଶ୍ରୁତିବଦ୍ଧ ରହିଛି । 
    ଘରୋଇ ଟୁ୍ୟସନ୍ ଗ୍ରହଣ କରିପାରୁନଥିବା ଆର୍ଥିକ ଦୁର୍ବଳ ଶ୍ରେଣୀର ଛାତ୍ରଛାତ୍ରୀଙ୍କ ପାଇଁ ଓସିଏଲ୍ ସିଏସ୍ଆର୍ ଟିମ୍ ପକ୍ଷରୁ ୧୧ଟି ରେମେଡିଆଲ୍ କୋଚିଂ ସେଣ୍ଟର ସ୍ଥାପନ କରାଯାଇଛି । ପ୍ରତିବର୍ଷ ହାରାହାରି ୪୬୦ ଛାତ୍ରଛାତ୍ରୀଙ୍କୁ ଶିକ୍ଷାଦାନ କରାଯାଉଛି । ଛତୁ ଚାଷ, ମତ୍ସ୍ୟଚାଷ, ସୌନ୍ଦର୍ଯ୍ୟ ପାଠ୍ୟକ୍ରମ ଭଳି ସ୍ୱତନ୍ତ୍ର ଟ୍ରେଡ୍ ଉପରେ ତାଲିମ ପ୍ରଦାନ ଓ ଏସ୍ଏଚ୍ଜି ସହଯୋଗ ଜରିଆରେ ସ୍ଥାନୀୟ ମହିଳାମାନଙ୍କୁ ଅର୍ଥନୈତିକ ସ୍ତରରେ ସ୍ୱାବଲମ୍ବୀ କରିଯାଇ ପାରିଛି । ସ୍ଥାନୀୟ ମହିଳାମାନଙ୍କୁ ସିଲେଇ, ଫିନାଇଲ୍ ଓ ବ୍ୟାଗ୍ ପ୍ରସ୍ତୁତି ତାଲିମ ପ୍ରଦାନ କରି ସେମାନଙ୍କୁ ଉଦ୍ୟୋଗୀ କରାଇ ସେମାନଙ୍କ ଆର୍ଥିକ ସ୍ୱାଧୀନତା ପ୍ରତି ସହଯୋଗ ପ୍ରଦାନ କରାଯାଇଛି । ସରକାରଙ୍କ ସ୍ୱଚ୍ଛ ଭାରତ ଅଭିଯାନ ଆଧାରରେ ଓସିଏଲ୍ ଇଣ୍ଡିଆ ପକ୍ଷରୁ ଘରେ ଘରେ ଶୌଚାଳୟ ନିର୍ମାଣ କରାଯାଇଛି ଓ ସିଆରତୋଲି, ରଙ୍ଗିଆଢ଼ିପ ଓ ପାହାଡ଼ତୋଲି (ବାଇଲକୋନା) ଭଳି ଗ୍ରାମର ସମସ୍ତଙ୍କ ପାଇଁ ସୁସ୍ଥକର ଓ ପରିମଳ ଜୀବନ ଶୈଳୀ ନିଶ୍ଚିତ କରୁଛି । ପ୍ରାୟ ୮୦ଟି ଶୌଚାଳୟ ନିର୍ମାଣ କରାଯାଇସାରିଲାଣି ଓ ଆହୁରି କେତେକ ନିର୍ମାଣ କରାଯାଉଛି । କଂପାନୀ ପକ୍ଷରୁ ଏହାର ଦକ୍ଷତା ତାଲିମ କେନ୍ଦ୍ର ଜରିଆରେ ବିଭିନ୍ନ ପ୍ରକାର ଟ୍ରେଡ୍ ଯଥା ଇଲେକ୍ଟ୍ରିକାଲ୍, ଫିଟନେସ୍, ବିଉଟି, ୱେଲନେସ୍ ଓ ଖୁଚୁରା ଗ୍ରାହକ ପରିଚାଳନା ଆଦି ଉପରେ ସ୍ଥାନୀୟ ଯୁବକ ଯୁବତିଙ୍କୁ ଦକ୍ଷତା ତାଲିମ ପ୍ରଦାନ କରାଯାଉଛି ଯଦ୍ୱାରା ସେମାନେ ନିଯୁକ୍ତି ହାସଲ କରିପାରିବେ । 

     

    Maximum 500 characters

    ଆଂଚଳିକ View all

    Find Us on Facebook