Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ଏନଆରସି ନେଇ ବିଜେଡ଼ିକୁ ଶାହାଙ୍କ ପ୍ରଶଂସା, ଜାତୀୟସ୍ତରରେ ଉଜ୍ଜ୍ୱଳ ହେଲା ନବୀନଙ୍କ ଭାବମୂର୍ତ୍ତି

    Share on :
    Date: Aug 1, 2018    Views: 1887

    ଭୁବନେଶ୍ୱର : ଗୋଟିଏ ପଟେ ଏନଆରସି ନେଇ ରାଜ୍ୟ ବିଜେପିର ଟ୍ରୋଲମାନେ ସୋସିଆଲ ମିଡ଼ିଆରେ ପଶ୍ଚିମବଙ୍ଗର ମମତା ବାନାର୍ଜୀଙ୍କ ସହ ନବୀନ ପଟ୍ଟନାୟକଙ୍କୁ ଟାର୍ଗେଟ କରୁଛି  । ହେଲେ ଏନଆରସି ପ୍ରସଙ୍ଗରେ ବିଜେଡ଼ିକୁ ବିଜେପି ରାଷ୍ଟ୍ରୀୟ ସଭାପତି ଅମିତ ଶାହାଙ୍କ ପ୍ରଶଂସା ପରେ ନବୀନଙ୍କ ଆଭିମୁଖ୍ୟ ଓ ଭାବମୂର୍ତ୍ତିକୁ ନେଇ ଜାତୀୟସ୍ତରରେ ବେଶ ପ୍ରଶଂସା କରାଯାଇଥିବା ଦେଖିବାକୁ ମିଳିଛି  । ଫେସବୁକ ଓ ଟ୍ୱିଟରରେ ନବୀନ ଓ ବିଜେଡ଼ିକୁ ନେଇ ସକରାତ୍ମକ ମନ୍ତବ୍ୟ ପ୍ରକାଶ ପାଇଛି  ।

    ଆସାମରେ ନାସନାଲ ରେଜିଷ୍ଟର ଅଫ ସିଟିଜେନ୍ସ ବା ଏନଆରସିକୁ ନେଇ ବିବାଦ ସୃଷ୍ଟିହୋଇଛି  । ବିରୋଧୀ ଦଳ ଏଥିପାଇଁ ବିଜେପିକୁ ଟାର୍ଗେଟ କରୁଛନ୍ତି  । ତେବେ ଗତକାଲି ରାଜ୍ୟସଭାରେ ଏସଂକ୍ରାନ୍ତୀୟ ଆଲୋଚନା ବେଳେ ବିଜେଡ଼ି ସାଂସଦ ପ୍ରସନ୍ନ ଆଚାର୍ଯ୍ୟ କହିଥିଲେଯେ, ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ  । ଆମକୁ ମଧ୍ୟ ଜାତୀୟ ସୁରକ୍ଷାକୁ ଦୃଷ୍ଟିରେ ରଖିବାକୁ ପଡ଼ିବ  । ଆମେ ଭୁଲିଯିବା ଠିକ୍ ହେବନାହିଁଯେ, ଏହି ପ୍ରସଙ୍ଗ ସହ ଜାତୀୟ ସୁରକ୍ଷା ସଂପୃକ୍ତି ରହିଛି  । ତେଣୁ ଆମକୁ ଯନô ସହକାରେ ଏହି ପ୍ରସଙ୍ଗକୁ ଗ୍ରହଣ କରିବାକୁ ପଡ଼ିବ  । ମାନବିକତାର ବିଚାର ମଧ୍ୟ ରହିଛି  । ଏହା ଅତ୍ୟନ୍ତ ସମ୍ବେଦନଶୀଳ ପ୍ରସଙ୍ଗ  । କେବଳ ଆସାମ ନୁହେଁ ସାରା ଦେଶ ପାଇଁ ଏହା ଗୁରୁତ୍ୱପୂର୍ଣ୍ଣ  । ତେବେ ପ୍ରଥମତଃ ଦେଶର ସୁରକ୍ଷା ଓ ଦ୍ୱିତୀୟରେ ମାନବିକତା ବୋଲି ପ୍ରସନ୍ନ କହିଥିଲେ  ।

    ରାଜ୍ୟସଭାରେ ପ୍ରସନ୍ନ ଆଚାର୍ଯ୍ୟ ଏହା କହିବା ପରେ ବିଜେଡିକୁ ସାମ୍ବାଦିକ ସମ୍ମିଳନୀରେ ପ୍ରଶଂସା କରିଥିଲେ ଅମିତ ଶାହା  । ସେ କହିଥିଲେଯେ, ରାଷ୍ଟ୍ରୀୟ ସୁରକ୍ଷା ପ୍ରସଙ୍ଗ ନେଇ କେବଳ ବିଜେପି ଓ ବିଜେଡ଼ି ଏକମତ ହୋଇଛନ୍ତି  । ବେଆଇନ ବାଂଲାଦେଶୀ ଅନୁପ୍ରବେଶକୁ ବନ୍ଦ କରିବା ପାଇଁ କେବଳ ଏହି ଦୁଇଦଳ କହିଛନ୍ତି  । ଭୋଟ ରାଜନୀତିର ବଶବର୍ତୀହୋଇ ଅନ୍ୟ କୌଣସି ଦଳ ଏହାକୁ ସମର୍ଥନ କରୁନାହାନ୍ତି ବୋଲି ଶାହା କହିଥିଲେ  ।

    ବାଂଲାଦେଶୀ ଅନୁପ୍ରବେଶ ସମସ୍ୟାକୁ ନେଇ ଦୀର୍ଘଦିନ ଧରି ଜାତୀୟସ୍ତରରେ ଆଲୋଚନା ହୋଇଆସୁଛି  । ଏହି ପରିପ୍ରେକ୍ଷୀରେ ବିଜେଡ଼ି ରାଷ୍ଟ୍ରୀୟ ସୁରକ୍ଷାକୁ ଗୁରୁତ୍ୱ ଦେଉଥିବାରୁ ଅନେକ ନବୀନଙ୍କ ପ୍ରଶଂସା କରୁଥିବା ଦେଖିବାକୁ ମିଳିଛି  ।

    Maximum 500 characters

    ରାଜନୀତି View all

    Find Us on Facebook