Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଅର୍ଥନୀତି

ମୁଖ୍ୟ ଖବର

    ୮୦ ବର୍ଷରେ ଓଡ଼ିଶା ଅନେକ ମାଇଲଖୁଂଟ ସ୍ଥାପନ କରିଛି : ମୁଖ୍ୟମନ୍ତ୍ରୀ

    Share on :
    Date: Jun 11, 2018    Views: 349

    ଭୁବନେଶ୍ୱର : ବିଗତ ୮୦ ବର୍ଷ ମଧ୍ୟରେ ଶିକ୍ଷା, ସ୍ୱାସ୍ଥ୍ୟ ଓ ଭିତ୍ତିଭୂମି ବିକାଶ କ୍ଷେତ୍ରରେ ଓଡ଼ିଶା ଉଲ୍ଲେଖନୀୟ ଅଗ୍ରଗତି କରିଛି  । ସରକାରମାନେ ପ୍ରତିବଦ୍ଧତାର ସହ ବିକାଶର ଆହ୍ୱାନକୁ ଗ୍ରହଣ କରିଛନ୍ତି  । ଅଶୀ ବର୍ଷ ମଧ୍ୟରେ ଓଡ଼ିଶା ଅନେକ ମାଇଲଖୁଂଟ ସ୍ଥାପନ କରିଛି  । ତେବେ ଓଡ଼ିଶାବାସୀଙ୍କ ମନରେ ଅଭିଳାଷା ମଧ୍ୟ ବୃଦ୍ଧି ପାଇଛି  । ଏହାକୁ ଆଖିଆଗରେ ରଖି ଏକ ଉନ୍ନତ ଭବିଷ୍ୟତ ପାଇଁ ସମସ୍ତଙ୍କୁ ଏକାଠି ହୋଇ କାର୍ଯ୍ୟ କରିବାକୁ ପଡ଼ିବ  । ‘୮୦ ବର୍ଷର ଓଡ଼ିଶା ବଜେଟ୍-ଏକ ସ୍ମରଣୀୟ ପ୍ରକାଶନ’ ପୁସ୍ତକ ଉନ୍ମୋଚନ କରି ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।

    ମୁଖ୍ୟମନ୍ତ୍ରୀ କହିଲେଯେ, ଏହା ହେଉଛି ଏକ ନିଆରା ପ୍ରକାଶନ  । ଯାହାକି ଓଡ଼ିଶାର ସମୃଦ୍ଧମୟ ଇତିହାସ ସହ ସାମାଜିକ-ଅର୍ଥନୈତିକ, ରାଜନୈତିକ ଓ ସାଂସ୍କୃତିକ ପରିବର୍ତ୍ତନର ଝଲକ ପ୍ରଦାନ କରିଛି  । ବିଗତ ୮୦ ବର୍ଷ ମଧ୍ୟରେ ଓଡ଼ିଶାର ବିକାଶ ଯାତ୍ରାକୁ ପ୍ରତିପାଦିତ କରିବା ପାଇଁ ଏହି ସଂକଳନର ପ୍ରୟାସ କରାଯାଇଛି  । ଏଭଳି ସଂକଳନ କରିବାରେ ଓଡ଼ିଶା ଦେଶର ପ୍ରଥମ ରାଜ୍ୟ ବୋଲି ମୁଖ୍ୟମନ୍ତ୍ରୀ କହିଛନ୍ତି  ।

    ଏହି ତଥ୍ୟଗୁଡ଼ିକ ବୁଦ୍ଧିଜୀବୀ, ଗବେଷକ ଓ ନୀତି ନିର୍ଦ୍ଧାରକଙ୍କ କାର୍ଯ୍ୟରେ ଲାଗିପାରିବ  । ୧୯୩୬ ଅପ୍ରେଲ ପହିଲାରେ ଦେଶର ପ୍ରଥମ ଭାଷାଭିତ୍ତକ ରାଜ୍ୟ ଭାବେ ଓଡ଼ିଶା ମାନ୍ୟତା ପାଇଥିଲା  । ଉକôଳଗୌରବ ମଧୁସୂଦନ ଦାସ, ମହାରାଜା କୃଷ୍ଣଚନ୍ଦ୍ର ଗଜପତି, ପଣ୍ଡିତ ନୀଳକଣ୍ଠ ଦାସ, ଭୁବନାନନ୍ଦ ଦାସ ଓ ଅନେକ ମହାପୁରୁଷଙ୍କ ଉଦ୍ୟମରେ ଓଡ଼ିଶା ସ୍ୱତନ୍ତ୍ର ପ୍ରଦେଶ ହୋଇପାରିଥିଲା  । ବଜେଟ୍ ହେଉଛି ସରକାରଙ୍କ ନୀତିର ଦର୍ପଣ  । ୧୯୩୬ରୁ ଏଯାବତ୍ ୮୦ ବର୍ଷର ବଜେଟ୍ରେ ଓଡ଼ିଶାକୁ ବିକାଶ ପଥରେ ଆଗେଇନେବା ପାଇଁ ସରକାରଙ୍କ ପ୍ରତିବଦ୍ଧତା ପ୍ରତିପାଦିତ ହୋଇଛି ବୋଲି ନବୀନ କହିଛନ୍ତି  ।
    ନବୀନ କହିଲେଯେ, ଏହି ପୁସ୍ତକରେ ଆଦ୍ୟର ରାଜ୍ୟ ପୁନର୍ଗଠନର ସମସ୍ୟାରୁ ନେଇ ବର୍ତମାନର ସ୍ଥିରତା ପର୍ଯ୍ୟନ୍ତ  ଯାତ୍ରାର ଅବତାରଣା କରାଯାଇଛି  । ୧୯୩୬-୩୭ରେ ରାଜ୍ୟର ମୋଟ୍ ବଜେଟ୍ ଥିଲା ୧ କୋଟି ୭୭ ଲକ୍ଷ ଟଙ୍କା  । ବିଗତ ୮୦ ବର୍ଷ ମଧ୍ୟରେ ବାର୍ଷିକ ୧୫% ହାରରେ ଓଡ଼ିଶାର ବଜେଟ ଅଭିବୃଦ୍ଧି ହୋଇ ୨୦୧୭-୧୮ରେ ୧ ଲକ୍ଷ ୬୯୧୦ କୋଟି ଟଙ୍କାରେ ପହଁଚିଥିଲା  । ୨୦୧୮-୧୯ରେ ତାହା ୧ ଲକ୍ଷ ୨୦ ହଜାର ୨୮ କୋଟି ଟଙ୍କାକୁ ବୃଦ୍ଧି ପାଇଛି  । କୃଷି କ୍ଷେତ୍ରର ବିକାଶ ପାଇଁ ୨୦୧୩-୧୪ରେ ସ୍ୱତନ୍ତ୍ର କୃଷି ବଜେଟ୍ ଉପସ୍ଥାପିତ ହୋଇଥିବାବେଳେ ୨୦୧୬ରେ ସ୍ୱତନ୍ତ୍ର କୃଷି କ୍ୟାବିନେଟ ଗଠନ କରାଯାଇଥିଲା ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି  ।

    ଜୟଦେବ ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ବାଚସ୍ପତି ପ୍ରଦୀପ କୁମାର ଅମାତ, ବିରୋଧୀ ଦଳ ନେତା ନରସିଂହ ମିଶ୍ର, ଅର୍ଥମନ୍ତ୍ରୀ ଶଶୀଭୂଷଣ ବେହେରା, ଉନ୍ନୟନ କମିଶନର ଆର. ବାଲକ୍ରୀଷ୍ଣନ, ଅର୍ଥ ସଚିବ ଟିକେ ପାଣ୍ଡେ ପ୍ରମୁଖ ଉପସ୍ଥିତ ଥିଲେ  ।   

    Read more

    ବଳଦେବଜୀଉ ମନ୍ଦିର ପାଇଁ ମୁଖ୍ୟମନ୍ତ୍ରୀଙ୍କ ୨ କୋଟିର ଉପହାର

    ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର କେନ୍ଦ୍ରାପଡା ଗସ୍ତରେ ଯାଇ ଶ୍ରୀ ବଳଦେବଜୀଉଙ୍କ ଦର୍ଶନ କରିଥିଲେ। ଏହି ଅବସରରେ ମୁଖ୍ୟମନ୍ତ୍ରୀ ବଳଦେବଜୀଉ ମନ୍ଦିର ଓ ଏହାର ପାରିପାର୍ଶ୍ବିକ ଉନ୍ନତି ପାଇଁ ୨ କୋଟି ଟଙ୍କାର ବିଭିନ୍ନ ପ୍ରକଳ୍ପ ଘୋଷଣା ...

    Read more

    ରବିବାର ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ

    ଭୁବନେଶ୍ୱର :  ଆସନ୍ତା ୯ ତାରିଖରୁ ଏକ ସପ୍ତାହ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଲ୍ଲୀ ଗସ୍ତରେ ଯାଉଛନ୍ତି । ଆସନ୍ତା ୧୧ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସାକ୍ଷାତ କରିବେ । ପରେ ନବୀନ ରାଷ୍ଟ୍ରପତି ଭବନ ଯାଇ ରାଷ୍ଟ୍ରପତି ରାମନାଥ ...

    Read more

    ପ୍ରତି ମାସ ୭ରେ ମୁଖ୍ୟମନ୍ତ୍ରୀଙ୍କୁ ରିପୋର୍ଟ ଦେବେ ମନ୍ତ୍ରୀ

    ଭୁବନେଶ୍ୱର : ପ୍ରତି ମାସ ୭ ତାରିଖ ପୂର୍ବରୁ ମନ୍ତ୍ରୀମାନେ ଦଳୀୟ ଇସ୍ତାହାରର ପ୍ରସ୍ତାବଗୁଡ଼ିକୁ ସରକାରଙ୍କ ପ୍ରମୁଖ କାର୍ଯ୍ୟକ୍ରମ ଭାବେ ଗ୍ରହଣ କରିବା ଦିଗରେ କି କି ପଦକ୍ଷେପ ଗ୍ରହଣ କରିଛନ୍ତି ସେ ସମ୍ପର୍କରେ ରିପୋର୍ଟ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ...

    Maximum 500 characters

    ଅର୍ଥନୀତି View all

    Find Us on Facebook