ଭୁବନେଶ୍ୱର : କଂଗ୍ରେସ ସଂଗଠିତ ହେଲେ ରାଜ୍ୟ ରାଜନୀତିରେ ଏହାର କି ପ୍ରଭାବ ପଡ଼ିବ ? ଏନେଇ ଚର୍ଚ୍ଚା ପର୍ଯ୍ୟାଲୋଚନା ଆରମ୍ଭ ହୋଇଥିଲେ ବି ବରିଷ୍ଠ ବିଜେଡ଼ି ନେତା ଡାକ୍ତର ଦାମୋଦର ରାଉତ ଭବିଷ୍ୟବାଣୀ କରିଛନ୍ତି  । କଂଗ୍ରେସ ସଂଗଠିତ ହେଲେ ବିଜେଡ଼ି କମିବ ଓ ବିଜେପିର କ୍ଷତି ହେବବୋଲି ଡାକ୍ତର ରାଉତ କହିଛନ୍ତି  । ସେ କହିଲେଯେ, ବିଜେଡ଼ିର ସଂଖ୍ୟା କମି ଯାଇପାରେ  । ହେଲେ କଂଗ୍ରେସ ସରକାର ଗଢ଼ିପାରିବ ନାହିଁ  । ତେବେ ବିଜେପି ସବୁଠାରୁ ବେଶୀ କ୍ଷତିଗ୍ରସ୍ତ ହେବବୋଲି ସେ କହିଛନ୍ତି  ।

ଡାକ୍ତର ରାଉତ କହିଛନ୍ତିଯେ, କଂଗ୍ରେସ ସଂଗଠିତ ହେଲେ ଉଭୟ ବିଜେଡ଼ି ଓ ବିଜେପି ଉପରେ ଏହାର ପ୍ରଭାବ ପଡ଼ିବ  । କିନ୍ତୁ ବିଜେଡ଼ିର ବିଶେଷ କ୍ଷତି ହେବ ନାହିଁ  । ଆସନ ସଂଖ୍ୟା ଟିକେ କମ୍ ହୋଇପାରେ  । ସମ୍ପ୍ରତି ବିଜେଡ଼ିର ୧୧୭ ବିଧାୟକ ଥିବାବେଳେ ଯଦି କଂଗ୍ରେସ ଶକ୍ତିଶାଳୀ ହୁଏ ତେବେ ଏହି ସଂଖ୍ୟା ୧୦୦ କି ୮୫କୁ ଖସି ଆସିପାରେ ବୋଲି ସେ କହିଛନ୍ତି  । ସେହିପରି ବିଜେପି ବହୁ କ୍ଷତିଗ୍ରସ୍ତ ହେବବୋଲି ସେ କହିଛନ୍ତି  । ବିଜେପିର ଉତଥାନରେ ରୋକ୍ ଲାଗିବା ସହ ଅହଙ୍କାର ଭାଙ୍ଗିବ ବୋଲି ଦାମ ପ୍ରକାଶ କରିଛନ୍ତି  । 

Tags : odisha_politics_bjd_bjp_congress ଅଧିକ