Apr 22, 2018
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ମୁଖ୍ୟ ଖବର

    ଦାମ ଶକ୍ତିହୀନ, ବିଷ୍ଣୁ ଉତ୍ସାହିତ

    Share on :
    Date: Apr 13, 2018    Views: 1805

    ଭୁବନେଶ୍ୱର : ପାଣି ଖେଳୁଛି ଦୋଳିରେ ଭାଇ, ଦୋଳି ଖେଳୁଛି ପାଣି, ତଳୁ ଉପର, ଉପର ତଳ ଦେଖାଏ କେତେ ଠାଣି  । ହାଲକୁ ଜଗତସିଂହପୁର ରାଜନୀତିରେ ଏମିତି ପରିସ୍ଥିତି ଦେଖିବାକୁ ମିଳୁଛି  । ଏକଦା ବିଷ୍ଣୁ ଦାସ ଥିଲେ ରାଜ୍ୟସଭା ସାଂସଦ  । ବିଧାୟକ ଭାବେ ନିର୍ବାଚିତ ନହେଲେ ବି ତାଙ୍କ ପତିଆରା କମ୍ ନଥିଲା  । ଆଜିଯାଏଁ ଦାମବାବୁ ସଂସଦକୁ ଯାଇନଥିବାବେଳେ ବିଷ୍ଣୁଙ୍କୁ ଦିଲ୍ଲୀ ଲଡ଼ୁ ଖୁଆଇଥିଲେ ନବୀନ  । ହେଲେ ବିଷ୍ଣୁ ଲଡ଼ୁର ସୁଆଦ ପାଇବା ପୂର୍ବରୁ ହଠାତ୍ ନବୀନ ବିଷ୍ଣୁଙ୍କ ପାଟିରୁ ଲଡ଼ୁ ଛଡ଼ାଇ ଆଣିଥିଲେ  । ସେତେବେଳେ ଦାମବାବୁଙ୍କ ଆନନ୍ଦ କହିଲେ ନସରେ  । ହେଲେ ପରେ ଦାମଙ୍କ ଭାଗ୍ୟ ଆକାଶରେ ଧୂମକେତୁ ଘୂରି ବୁଲିଥିଲା  । ଅମାନିଆ ତୁଣ୍ଡ ପାଇଁ ନବୀନବାବୁ ତାଙ୍କ ମୁଣ୍ଡ ଗଡ଼ାଇ ଦେଇଥିଲେ  । ବ୍ରାହ୍ମଣମାନେ ଭିକ ମାଗିବା କଥା କହି ବ୍ରହ୍ମଶାପର ଶିକାର ହୋଇଥିଲେ ଦାମ  । ଖାଲି ମନ୍ତ୍ରୀମଣ୍ଡଳରୁ ନୁହେଁ ଦଳର ଉପସଭାପତି ପଦରୁ ବି ଦାମଙ୍କୁ ବିଦା କରାଯାଇସାରିଛି  । ଦାମଙ୍କ ଏଭଳି ଅବସ୍ଥା ଦେଖି ବିଷ୍ଣୁ ଖୁସିରେ ନାଚି ଉଠିଛନ୍ତି  । ତାଙ୍କ ପଦ ଯିବାର ଦୁଃଖ ଦାମଙ୍କ ବେଦନା ପାଇଁ ସୁଖରେ ପରିଣତ ହୋଇଛି  । ଦାମଙ୍କ ଏଭଳି ବେହାଲ୍ ହାଲ୍ ଦେଖି ବିଷ୍ଣୁ ଏବେ ପୁରୁଣା ଖୁଟିଆ ବୁଦ୍ଧି ଆପଣାଇଛନ୍ତି  । ଦାମଙ୍କ ଗଡ଼ରେ ଯାଇ ସଭା ସମିତି ବି କରୁଛନ୍ତି  । ଏମିତିକି ପାରାଦୀପ କଲେଜରେ ଦାମଙ୍କୁ ଅତିଥି ଭାବେ ନଡାକି ବିଷ୍ଣୁଙ୍କୁ ଡକାଯାଇଥିଲା  । କଥା ଏତିକିରେ ସରିନି  । କୈବର୍ତ ମହାସଭାର ଚଇତି ପରବରେ ବି ଅତିଥି ସାଜିଛନ୍ତି ବିଷ୍ଣୁ  । ଦାମଙ୍କୁ ପାନେ ଦେଇଥିବାରୁ ବିଷ୍ଣୁ ଏବେ କୁରୁଳି ଉଠୁଥିବାବେଳେ ପାନ ପାକୁଳି ପାଟିରେ ଦାମବାବୁ କେବେ ବାଣ ଛାଡ଼ିବେ ତାହାକୁ ନେଇ ଜଗତସିଂହପୁର ରାଜନୀତିରେ ଘମାସାନ ଚର୍ଚ୍ଚା ଚାଲିଛି  । 

    Maximum 500 characters

    ରାଜନୀତି View all

    Find Us on Facebook