May 21, 2018
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଆମ ଭାଷା ଆମ ସାହିତ୍ୟ

ମୁଖ୍ୟ ଖବର

    ସମୟ

    Share on :
    Date: Feb 6, 2018    Views: 173


    ସାବିତ୍ରୀ ତ୍ରିପାଠୀ: ଗତ ଗୁରୁବାର ଦିନ ଚନ୍ଦନା ଆସିଥିଲା ଆମ ଘରକୁ  । ତା’ହାତରେ ଥିଲା ନିଜ ସାନ ଭାଇ ଶୁଭ ପରିଣୟର ନିମନ୍ତ୍ରଣ ପତ୍ର  । ତା’ ଗଭାରେ ମହକୁଥିଲା ରଜନୀଗନ୍ଧାର ମାଳ, ମୁହଁରେ ଥିଲା ଚିର ପରିଚିତା ହସରୁ ଖିଏ  । ଆମ ଘରେ ପାଦ ଦେଉ ଦେଉ ଚଟାପଟ କହିଲା, ‘ଏଇମାସ ବାଇଶି ତାରିଖରେ ମୋ ଭାଇର ବାହାଘର  । ଅପେକ୍ଷାରେ ରହିଲି  । ନିଶ୍ଚେ ଯିବେ ସପରିବାର  ।’ ମୋ ପତ୍ନୀ ଚାହା ଟିକେ ଯାଚୁ ଯାଚୁ ସେ ନିଷ୍କ୍ରାନ୍ତ ହୋଇଗଲା ଝଡ ÿଭଳି  । ମୋତେ ଲାଗିଲା, ସତେ ଯେମିତି ସେ ଦିଗବିଜୟରେ ବାହାରିଛି  । ମୋର ଆତିଥେୟତାକୁ ତା’ର ଜମା ପରବାୟ ନାହିଁ  । 
    ଚନ୍ଦନା ସହିତ ମୋ ପରିଚୟର ପ୍ରଥମ ପର୍ବ ଥିଲା ଆକସ୍ମିକ  । ସେ ଦିନେ ଗଢ଼ିପାରୁଥିଲା ଚମକ୍ରାର କବିତାର କୋଣାର୍କ  ।  ମୁଁ ଥିଲି ତା’ କବିତାର ମନମୁଗ୍ଧ ପାଠକ  । ପଡ଼ିଯାଇଥିଲି ତା’ କବିତାର ପ୍ରେମରେ  । ଗେରୁଆ ମାଟିର ଗାଅାଁରେ  । ସେ ସମୟଟି ଥିଲା ରୌଦ୍ରଦଗ୍ଧ ମଧ୍ୟାହ୍ନ  । ତା’କବିତାଠୁ ଆହୁରି ମନୋରମ ଲାଗୁଥିଲା ତା’ ମୁହଁର ଗଢ଼ଣ, ଭସାଣିଆ ଆଖିର ଆମନ୍ତ୍ରଣ  । ମତେ ଦେଖି ସେ ଉତ୍ସୁକତା ପ୍ରକାଶ କଲା  । ତା’ଆଖି ଓ ମୋ ଆଖି ଭିତରେ ଥିଲା ସହସ୍ର ସହସ୍ର ମାଇଲର ଦୂରତା  । ନୂଆ ନୂଆ କବିତା ଲେଖୁଥିବା ତରୁଣ କବିଟିଏ ମୁଁ  । ମୋ ଲାଗି ସେ ପାଲଟିଗଲା ପ୍ରେରଣାର ଦୋଦୁଲ୍ୟମାନ ଦୀପଶିଖା  । କବିତା ଲେଖୁ ଲେଖୁ ତା’ ଜୀବନର ଯବନିକା ପଡ଼ିଗଲେ ସେ ନିଜକୁ ମହାଭାଗ୍ୟବତୀ ମଣିବ ବୋଲି ଭାବର ଆଦାନ ପ୍ରଦାନ ହୁଏ  । ହଠାତ ଦିନେ ପାଇଲି ତା’ ବିବାହର ନିମନ୍ତ୍ରଣ ପତ୍ର  । ଯୋଗ ଦେଲି ସେ ଶୁଭକାମରେ  । ମେହେନ୍ଦିରେ କମକୂଟ ପାପୁଲି, ପାଦରେ ଅଳତାର ଧାର, କପାଳରେ ଚନ୍ଦନଟିପା, ମଥାରେ ମୁକୁଟ, ଦେହରେ ବଉଳପାଟ ନାଇ ସତେ କି ସେ ଦଶହରା ମେଢ଼ର ଦାଉଦାଉ ଦେବୀମୂର୍ତି ପରି ଦିଶୁଥିଲା  । ସେ ଗଢ଼ିଲା ଆପଣାର ନବୀନ ସଂସାର  । ସେଦିନୁ ସେତିକି ତା’କଲମ ହୋଇଗଲା ସାତପର  । ଶତଚ୍ଛିନ୍ନ ହୋଇଗଲା ତା’ ସୂକ୍ଷ୍ମ ଆବେଗର କଳେବର  । ତା’ସ୍ୱାମୀ, ପୁଅ, ସଂସାର, ଗାଡ଼ିଘୋଡ଼ାକୁ ନେଇ ତା’କୁ ସମୟ ମିଳୁନାହିଁ ବୋଲି ସଫେଇ ଦେଉଛି  । ‘ଏଥରୁ କ’ଣ ମିଳୁଛି, ଏସବୁ ପାଗଳମାନଙ୍କର କାମ’ ବୋଲି ବିଷେଦଗାର କରୁଛି  । ମତେ ଲାଗୁଛି, ଏକ ସୁନାବ୍ୟା ସ୍ରୋତସ୍ୱିନୀର କଳାଘୁମର କଲ୍ଲୋଳ  । 
    ଆଗ ଆଗ ଭାବୁଥିଲି ଚନ୍ଦନା ଏକ ସୁଖପାଠ୍ୟ ଉପନ୍ୟାସର ଐଶ୍ୱର୍ଯ୍ୟ କି କମନୀୟ କବିତାର କୋମଳଗାନ୍ଧାର  । ହେଲେ ଏବେ ବୁଝୁଛି ସେ ଏକ ଅବୋଧ୍ୟ ଶିଳାଲିପି  । ତା’ଭିତରେ ଅହରହ ସୃଷ୍ଟି ହୁଏ ଘୂର୍ଣ୍ଣିଝଡ଼  । ଯିଏ କେବେ ଗୋଟିଏ ବିନ୍ଦୁରେ ନୁହେଁ ସ୍ଥିର  । ନିଜ ସିଦ୍ଧାନ୍ତରେ ସଦା ଟଳମଳ, ପବନରେ ଅଶ୍ୱତଥ ପତ୍ର ପରି ଫରଫର  । 

     

    Maximum 500 characters

    ଆମ ଭାଷା ଆମ ସାହିତ୍ୟ View all

    Find Us on Facebook