Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ଆତଙ୍କିତ ହୁଅନ୍ତୁନି, ସାମାଜିକ ଦୂରତା ଅବଲମ୍ବନ ନକଲେ ଜିରୋ ଟୋଲେରାନ୍ସ :CMO

ଓଡ଼ିଶାରେ ପୁଣି 16ଜଣ କରୋନା ଆକ୍ରାନ୍ତ ଚିହ୍ନଟ, ସମସ୍ତେ ଭୁବନେଶ୍ୱର ଅଂଚଳର ,ମୋଟ ହେଲା 39

14ରେ ନିଆଯିବ ସ୍କୁଲ ଓ କଲେଜ ଖୋଲିବା ନିଷ୍ପତ୍ତି: ପିଟିଆଇ ସୂତ୍ରରୁ ପ୍ରକାଶ

ସୁନ୍ଦରପଦା ଅଂଚଳକୁ ସିଲ କଲା ବିଏମସି

ଭୁବନେଶ୍ୱରରେ ଆଉ 2 ପଜିଟିଭ ଚିହ୍ନଟ. ମୋଟ ହେଲା 23

ଗୋଷ୍ଠୀ ସଂକ୍ରମଣର ଭୟ ନାହିଁ.8ରେ ସଟ ଡାଉନ ଉଠିବ, ଗହଳି କରିବେନି : ମୁଖ୍ୟ ଶାସନ ସଚିବ

ଭାରତରେ କରୋନା ମୃତ୍ୟୁ ସଂଖ୍ୟା 79କୁ ବୃଦ୍ଧି

କଳାହାଣ୍ଡି କରୋନା ଆକ୍ରାନ୍ତଙ୍କ ଗାଁ ସିଲ

କଟକ କେଶବପୁରରେ ପୁଲିସ ଉପରକୁ ଢେଲା ପଥର ମାଡ

banner

ଆମ ଭାଷା ଆମ ସାହିତ୍ୟ

ମୁଖ୍ୟ ଖବର

    ଶେଷଦେଖା

    Share on :
    ajab-Image
    Date: Feb 6, 2018    Views: 6547

    ପହିଲି ଥର ମୁଁ ତାଙ୍କୁ ଭେଟିଥିଲି ସହରର ଗାନ୍ଧି ଛକରେ  । ସେଦିନ ଥିଲା ଗାନ୍ଧି ଜୟନ୍ତୀ  । ଗାନ୍ଧିଜୀଙ୍କୁ ଆଦର୍ଶର ସାରତତ୍ୱ ସେ ଗପୁଥିଲେ ଅନର୍ଗଳ ଭାବେ  । ଦ୍ୱିତୀୟ ଥର ତାଙ୍କୁ ଭେଟିଥିଲି ପ୍ୟାରେଡ଼ ପଡ଼ିଆରେ ସାଧାରଣତନ୍ତ୍ର ଦିବସରେ  । ସେ କଦମ ପରେ କଦମ ପକାଇ ଚାଲୁଥିଲେ ବୀର ଦର୍ପେ  । ଗାଉଥିଲେ ‘ସାରେ ଜହାଁ ସେ ଅଛା...’  । ସେଦିନର ଜଣେ ଇଂରାଜୀ ଅଧ୍ୟାପକ ସମ୍ପୂର୍ଣ୍ଣ ପାଗଳ  । କେତେବେଳେ ଜରି ଗୋଟାଉଥିବ ତ କେତେବେଳେ କେହି ଅନାଦରରେ ଯାଚିଥିବା ଶୁଖିଲା ପିଆଜି କି ବାସି ପକୁଡ଼ିରେ ଭରୁଥିବ ଉଦର  ।  ମୁହଁରେ ଥିବ ସପ୍ତଫେଣୀ ଗୁଳ୍ମ ଭଳି ମେଞ୍ଚାଏ ଟାଅାଁସିଆ ଦାଢ଼ି  । କେଶବାସ ବିପର୍ଯ୍ୟସ୍ତ  । କେଉଁ ଗଛ ତଳେ କି ବିଦ୍ୟାଳୟର ବାରଣ୍ଡା ହିଁ ଥିବ ନିରାପଦ ଆଶ୍ରୟସ୍ଥଳ  । ସମସ୍ତେ ତାଙ୍କୁ କରୁଥାଆନ୍ତି ଦୂର ଦୂର ମାର୍‍ ମାର  । କେହି ଜାଣିବାକୁ ଚାହେଁନି ତାଙ୍କ ଇତିହାସ  । କାହିଁକି ସେ ଏକ ଜୀଅନ୍ତା ଶବ ପାଲଟି ଯାଇଛନ୍ତି ବୋଲି ବୁଝିବାକୁ କେହି କରନ୍ତିନି ପ୍ରୟାସ  । 
    ମୋ ଘରପାଖ ନିଛାଟିଆ ପାହାଡ଼ ଖୋଲରୁ ଦିନେ ବଂଶୀର ବିମୁଗ୍ଧ ସ୍ୱନ ଶୁଭୁଥିଲା  । ତା’ର ଅଲଂଘ୍ୟ ଆକର୍ଷଣରେ ମୋ ପାଦ ସେହି ନୀଳ ନିର୍ଜନତା ଆଡେ଼ ଆପେ ଆପେ ଟାଣି ହୋଇଗଲା  । ଦେଖିଲା ବେଳକୁ ସେହି ପାଗଳ ବଂଶୀ ବାଇବାରେ ତଲ୍ଲୀନ  । ଆଖିରୁ ଝରି ଚାଲିଛି ଅବାରିତ ଭାଭେ ଅଶ୍ରୁଧାର  । ସତେ କି ତପସ୍ୟାର ତପୋବନରେ ଶୁଦ୍ଧ ଚେତା ସାଧୁ ଜଣକ ସାଧନାରେ ମଗ୍ନ  । ମୁଁ ଚୁପକିନା ଠିଆ ହେଲି ତାଙ୍କ ପାଖରେ  । ମୋ ଅନୁସନ୍ଧିତ୍ସୁ ମନ ତାଙ୍କୁ ପ୍ରଶ୍ନ ବାଣରେ କଲା କ୍ଷତବିକ୍ଷତ  । କୋହ ସମ୍ବରଣ କରିନପାରି ସେ ଗାଇଚାଲିଲେ ଅତୀତର ଇତିବୃତି  । ତାଙ୍କର ବି ଥିଲା ଏକ ସୁନେଲୀ ସଂସାର  । ଥିଲା ପ୍ରାଣପ୍ରାଚୁର୍ଯ୍ୟ ପୂର୍ଣ୍ଣ ପରିବାର  । ହେଲେ କୁହୁକିନୀ ପତ୍ନୀର ମାୟା ଜାଲରେ ପଡ଼ି ସେ ଛଟପଟ ହେଲେ  । ଭୁଲିଗଲେ ନିଜ ବୃଦ୍ଧ ମାତାପିତାଙ୍କୁ  । ସହରରେ ଅଟ୍ଟାଳିକା ଗଢ଼ିଲେ  । ଏକ ସରକାରୀ କଲେଜରେ ଇଂରାଜୀ ଅଧ୍ୟାପକ ଭୂମିକା ନିର୍ବାହ କଲେ  । ପରକୀୟା ପ୍ରେମରେ ମାତିଥିବା ତାଙ୍କର ପତ୍ନୀ ତାଙ୍କୁ ଖାଦ୍ୟରେ ଦେଇଥିଲା ସ୍ଲୋ ପଏଜନ  । କ୍ରମଶଃ ତାଙ୍କ ତନୁ ହେଲା କ୍ଷୀଣ  । ତାଙ୍କୁ ଘରୁ ତଡ଼ିଦେଇ ଏବେ ସେ ନାଗୁଣୀ ଉଆସରେ ଅୟସ କରୁଛି  । ଦୁର୍ଘଟଣାରେ ସେ ମରିଯାଇଛନ୍ତି ବୋଲି ମିଥ୍ୟା ପ୍ରମାଣପତ୍ର ସଂଗ୍ରହ କରି ତାଙ୍କ ପତ୍ନୀ ଏବେ ପାଉଛି ପେନସନ  । ରଙ୍ଗୀନ ଦୁନିଆର ପିଆଲାରେ ସେ ବୁଡେ଼ଇ ରଖିଛି ନିଜକୁ  । ଅଥଚ ଏଣେ ତାଙ୍କର ଜୀବନ ହୋଇଗଲା ଖନଭିନ  । 
    ଶେଷ ଥର ଲାଗି ତାଙ୍କୁ ଭେଟିଲି ଡାକ୍ତରଖାନାର ଶଯ୍ୟା ଉପରେ  । ସଡ଼କ ଦୁର୍ଘଟଣାରେ ଆଘାତପ୍ରାପ୍ତ ହୋଇଥିବା ତାଙ୍କ ସର୍ବାଙ୍ଗ ଶରୀରକୁ ସହୃଦୟ ଡାକ୍ତରମାନେ ଚିକିତ୍ସା କରୁଥିଲେ  । ନିଶ୍ୱାସ ପ୍ରଶ୍ୱାସ ନେବା ଆଣିବା କରିବାକୁ ସେ କଷ୍ଟ ଭୋଗୁଥିଲେ  । ମୋ ଆଖିରେ ତାଙ୍କ ଆଖି ମିଶିଗଲା ବେଳକୁ ସରି ଯାଇଥିଲା ଚନ୍ଦନଯାତ  । ଲୋଟଣୀପାରା ଛାଡ଼ି ଦେଇଥିଲା ଓଲଟ ବୃକ୍ଷ  । ତାଙ୍କର କେହି ଦାବିଦାର ନଥିବାରୁ ଶବ ବ୍ୟବଚ୍ଛେଦ ପରେ ତାଙ୍କ ଗଡେ଼ଇ ଦିଆଗଲା ରାସ୍ତା ଧାରରେ  । ମୋତେ କିନ୍ତୁ କଷ୍ଟ ଦେଉଥିଲା ଗୋଟିଏ କଥା  ।  ପ୍ରଚଣ୍ଡ ପ୍ରତିଭାର ଏକ ଦୋଦୀପ୍ୟମାନ ଦୀପ ଶିଖା କେମିତି ନିର୍ବାପିତ ହୋଇଗଲା ଅଦିନିଆ ଝଡ଼ବତାସରେ  । 
    ଗୋପୀନାଥ ଦାଶ
    ବ୍ରାହ୍ମଣକୁଶଡିହ, ଆଙ୍କୁଲାଚଟୀ, 
    ଖୋର୍ଦ୍ଧା-୭୬୫୨୦୩୦

    Maximum 500 characters

    ଆମ ଭାଷା ଆମ ସାହିତ୍ୟ View all

    Find Us on Facebook