May 21, 2018
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଅଜବ

ମୁଖ୍ୟ ଖବର

    ବୟସ୍କମାନଙ୍କୁ ସହାୟତା କରିବ ରୋବଟ୍

    Share on :
    Date: Jan 2, 2018    Views: 139


    ଏକ ଅନ୍ତର୍ଜାତୀୟ ବୈଜ୍ଞାନିକ ଦଳ ଏଭଳି ଏକ ରୋବଟ୍ ନିର୍ମାଣ କରିଛନ୍ତି, ଯାହା ବୟସ୍କମାନଙ୍କୁ ସହାୟତା କରିପାରିବ  । ଜାପାନ ଏବଂ ଇଉରୋପୀୟ ସଂଘ ପକ୍ଷରୁ ୨୦ ଲକ୍ଷ ପାଉଣ୍ଡ ବ୍ୟୟ ଅଟକଳର ପ୍ରକଳ୍ପରେ ନିର୍ମିତ ଏହି ରୋବଟ୍ ସାଂସ୍କୃତିକ ଏବଂ ସମ୍ବେଦନଶୀଳ  । ଆଗାମୀ ତିନି ବର୍ଷ ଭିତରେ ଏହି ରୋବଟ୍ ବୟସ୍କମାନଙ୍କୁ ଯୋଗାଇ ଦିଆଯିବ ବୋଲି ଲକ୍ଷ୍ୟ ରଖାଯାଇଛି  । ବୟସ୍କମାନଙ୍କ ଜୀବନଶୈଳୀରେ ସୁଧାର ଆଣିବା ଲାଗି ପ୍ରସ୍ତୁତ କରାଯାଉଥିବା ରୋବଟ୍ କାର୍ଯ୍ୟକ୍ଷମ ହେଲେ ଜରାଶ୍ରମର ଆବଶ୍ୟକତା ପଡ଼ିବ ନାହିଁ  । ତେବେ ରୋବଟ୍କୁ ସମ୍ପୂର୍ଣ୍ଣ ଭାବେ ସକି୍ରୟ କରିବା ଲାଗି ପାଖାପାଖି ୩ ବର୍ଷ ଲାଗିବ ବୋଲି ଏଥିରେ କାର୍ଯ୍ୟ କରୁଥିବା ବୈଜ୍ଞାନିକମାନେ ମତ ଦେଇଛନ୍ତି  । 
    ଆଜିକାଲି କେତେକ ପରିବାରରେ ଉଭୟ ପତିପତ୍ନୀ ପରିବାରର ଗୁଜୁରାଣ ମେଣ୍ଟାଇବା ଲାଗି ବାହାରେ କାମ କରୁଥିବାରୁ ନିଜ ପିତାମାତା ତଥା ଶାଶୂଶ୍ୱଶୁରଙ୍କ ସେବା ଲାଗି ସମୟ ଦେଇପାରନ୍ତିନାହିଁ  । ବାଧ୍ୟ ହୋଇ ସେମାନଙ୍କୁ ଜରାଶ୍ରମ ଅଥବା କେୟାର ସେଣ୍ଟର୍ରେ ଛାଡ଼ିଥାଆନ୍ତି  । ମାତ୍ର ସେଠାରେ ବୃଦ୍ଧବୃଦ୍ଧାମାନେ ଦୀର୍ଘ ଦିନ ଧରି ନିଜ ପୁତ୍ରକନ୍ୟା, ଝିଅଜୋଇଁ ଓ ନାତିନାତୁଣୀମାନଙ୍କୁ ନଦେଖିପାରି ଗଭୀର ମନସ୍ତାପ ମଧ୍ୟରେ ଦିନ ବିତାଇଥାଆନ୍ତି  । ଏଭଳି ସମସ୍ୟାକୁ ସୁଧାରିବା ପାଇଁ ଜାପାନ ଏବଂ ଇଉରୋପୀୟ ସଂଘର ଏକ ଅନ୍ତର୍ଜାତୀୟ ବୈଜ୍ଞାନିକ ଦଳ ଏଭଳି ବିଶେଷ ଧରଣର ରୋବଟ୍ ପ୍ରସ୍ତୁତ କରିବାକୁ ଯାଉଛନ୍ତି  । 
    ଏହି ରୋବଟ୍ର ବିଶେଷତ୍ୱ ହେଲା ବୃଦ୍ଧବୃଦ୍ଧାଙ୍କ ଆବଶ୍ୟକତାକୁ ଚାହିଁ ଔଷଧ, ଖାଦ୍ୟପେୟ ଯୋଗାଇବା ସହ ଦୈନନ୍ଦିନ ଜୀବନକୁ ଆରାମଦାୟକ କରିପାରିବ  । ବୃଦ୍ଧବୃଦ୍ଧାଙ୍କ ଆବଶ୍ୟକତାକୁ ଚାହିଁ ସମସ୍ତ ନିଦେ୍ର୍ଧଶ ମାନିବ  । ଏହି ରୋବଟ୍ର ନାମ ରଖାଯାଇଛି ପେପର୍ ରୋବଟ୍  । ସଫ୍ଟବ୍ୟାକ୍ ରୋବଟିକ୍ସ ନାମକ ଏକ କମ୍ପାନୀ ଏହି ରୋବଟ୍ ପ୍ରସ୍ତୁତ କରୁଛି  । ଏଭଳି ରୋବଟ୍ ସହ ସାମଞ୍ଜସ୍ୟ ଥିବା ଭିନ୍ନ ଧରଣର ରୋବଟ୍କୁ ଜାପାନର ବିଭିନ୍ନ ଡାକ୍ତରଖାନାରେ ବ୍ୟବହାର କରାଯାଇଆସୁଛି  । ଯଦ୍ୱାରା ରୋଗୀମାନଙ୍କୁ ଗୋଟିଏ ସ୍ଥାନରୁ ଆଉ ଅନ୍ୟ ସ୍ଥାନକୁ ନେବାଆଣିବା କରିବା, ନିର୍ଦ୍ଧାରିତ ସମୟରେ ଖାଦ୍ୟ ଏବଂ ଔଷଧ ଦେବା ଭଳି କାର୍ଯ୍ୟ ସମ୍ପନ୍ନ ହୋଇପାରୁଛି  । 

    Maximum 500 characters

    ଅଜବ View all

    Find Us on Facebook