Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

Kanhu ଚରଣ ପଟ୍ଟନାୟକଙ୍କ ବିରୋଧରେ ସ୍ବାଧୀକାର ପ୍ରସ୍ତାବ ଆଣିଲେ ନରସିଂହ

2020 ମାର୍ଚ୍ଚ ମଧ୍ୟରେ ସବୁ ଗାଁକୁ ପାଇପ ଯୋଗେ ପାନୀୟ ଜଳ

ସୁରୁଖୁରରେ ଚାଲିଛି ବିଧାନସଭା

banner

?????????

ମୁଖ୍ୟ ଖବର

    ପ୍ୟାକେଜ୍ ଘୋଷଣା ପରେ ବି ଚାଷୀ ଆତ୍ମହତ୍ୟା କାହିଁକି ?

    Share on :
    ajab-Image
    Date: Nov 18, 2017    Views: 1751

    ଭୁବନେଶ୍ୱର : ପୁଣି ଜଣେ ଚାଷୀଙ୍କ ଆତ୍ମହତ୍ୟା ଅଭିଯୋଗ ଆସିଛି  । ତାହା ପୁଣି ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜିଲ୍ଲା ଗଂଜାମରେ  । କୁକୁଡ଼ାଖଣ୍ଡି ବ୍ଲକ୍ର ବଉଳଝାଲି ଗାଁର ଚାଷୀ ରାଜେନ୍ଦ୍ର ସାହୁ ବିଷ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି  । ଗତ ତିନିଦିନ ଧରି ହୋଇଥିବା ଅଦିନିଆ ବର୍ଷାରେ ଫସଲ ନଷ୍ଟ କାରଣରୁ ସେ ଏଭଳି ଚରମ ପଦକ୍ଷେପ ନେଇଥିବା ପରିବାର ବର୍ଗ ମତବ୍ୟକ୍ତ କରିଛନ୍ତି  । ଯେକୌଣସି କାରଣରୁ ହେଉ ପଛେ ଆତ୍ମହତ୍ୟା ଏକ ସଂଗୀନ ପ୍ରସଙ୍ଗ ବୋଲି ଆମେ ଗ୍ରହଣ କରୁଛୁ  । 


    ଏହି ପରିପ୍ରେକ୍ଷୀରେ ଆମ ମନରେ ଅନେକ ପ୍ରଶ୍ନ ଉଙ୍କି ମାରୁଛି  । ସରକାର ପ୍ୟାକେଜ୍ ଘୋଷଣା ପରେ ବି ଆତ୍ମହତ୍ୟା କାହିଁକି କରୁଛନ୍ତି ଚାଷୀ ? ଯେଉଁ ଚାଷୀମାନେ ମରୁଡ଼ି ଯୋଗୁଁ ଫସଲ ନଷ୍ଟ ହୋଇଥିବାରୁ ଆତ୍ମହତ୍ୟା କରୁଛନ୍ତି ବୋଲି ଅଭିଯୋଗ ଆସୁଛି ତାହାର ସତ୍ୟତା କେତେ ? ସେନେଇ ବି ଚର୍ଚ୍ଚା ହେବା ସ୍ୱାଭାବିକ  । କାହିଁକିନା ଓଡିଶାରେ ଚଳିତବର୍ଷ ମରୁଡ଼ି ହୋଇଛି  । ଏକଥା ଅକ୍ଟୋବର କି ନଭେମ୍ବର ନୁହେଁ  । ଚାଷୀ ଅଗଷ୍ଟ-ସେପ୍ଟେମ୍ବରରୁ ବି ଜାଣିସାରିଛି  । ବର୍ଷା ଅଭାବ ଯୋଗୁଁ ଜୁଲାଇରୁ ହିଁ ଚାଷ କାର୍ଯ୍ୟ ପଛେଇ ଯାଇଥିଲା  । ଅନେକ ଜମିରେ ଧାନ ଗଛ ବି ହୋଇନଥିଲା  । ତେବେ ସେହି ଚାଷୀ ମରୁଡ଼ି ପାଇଁ ଅକ୍ଟୋବର ନଭେମ୍ବରରେ ଆତ୍ମହତ୍ୟାର କାରଣ କ’ଣ ତାହାର ପୁଙ୍ଖାନୁପୁଙ୍ଖ ତଦନ୍ତ ହେବାର ଆବଶ୍ୟକତା ରହିଛି  । ସେହିପରି ଅଦିନିଆ ବର୍ଷା ପାଇଁ କେଉଁ ଅଂଚଳରେ କେତେ ପରିମାଣର ଫସଲ ନଷ୍ଟ ହୋଇଛି ତାହାର ଅନୁଧ୍ୟାନ କରିବାକୁ ମୁଖ୍ୟମନ୍ତ୍ରୀ ସଚିବାଳୟରେ ଉଚ୍ଚସ୍ତରୀୟ ସମୀକ୍ଷା ବୈଠକ କରିଛନ୍ତି  । କ୍ଷେତ୍ର ଅଧିକାରୀମାନଙ୍କୁ ନିଦେ୍ର୍ଧଶ ମଧ୍ୟ ଦେଇଛନ୍ତି  । ପୂର୍ବରୁ ମରୁଡ଼ି ଓ ପୋକ ଯୋକ ପାଇଁ ନଷ୍ଟ ହୋଇଥିବା ଫସଲ ନିମନ୍ତେ କ୍ଷତିପୂରଣ ଦେବା ପାଇଁ ମଧ୍ୟ ଘୋଷଣା କରାଯାଇଛି  । ସରକାରଙ୍କ ଘୋଷଣା ଓ ପଦକ୍ଷେପ ସତ୍ୱେ ଚାଷୀ ଆତ୍ମହତ୍ୟାର ଅଭିଯୋଗ କାହିଁକି ହେଉଛି ? 
    ଆମର ଅନୁଶୀଳନ ଅନୁଯାୟୀ, 
    (୧) ଭାଗଚାଷୀଙ୍କୁ କ୍ଷତିପୂରଣ ପ୍ରଦାନ ପାଇଁ ସରକାର ଠୋସ୍ ପଦକ୍ଷେପ ନେବାରେ ବିଫଳ ହୋଇଛନ୍ତି  । ଯେଉଁଥିପାଇଁ ହୁଏତ ଭାଗଚାଷୀ ସରକାରଙ୍କ ଘୋଷଣାରୁ କିଛି ଲାଭବାନ ହେବନାହିଁ ବୋଲି ମନେ କରୁଥାଇପାରନ୍ତି  । ତେଣୁ ଏଭଳି ଚରମ ପଦକ୍ଷେପ ନେବାକୁ ବାଧ୍ୟ ହେଉଛନ୍ତି  । ତେଣୁ ସରକାର ତୁରନ୍ତ ଭାଗଚାଷୀ ଚିହ୍ନଟ ପାଇଁ ପଦକ୍ଷେପ ଗ୍ରହଣ କରିବା ଦରକାର  ।


    (୨) ଅଦିନିଆ ବର୍ଷା ଯୋଗୁଁ କେବଳ କ’ଣ ରାଜେନ୍ଦ୍ରଙ୍କ ଫସଲ ହାନି ହୋଇଥିଲା କି ? ନିଶ୍ଚିତ ଭାବେ ସେହି ଅଂଚଳର ବହୁ ଚାଷୀଙ୍କର କ୍ଷତି ହୋଇଥିବ  । ତେବେ ରାଜେନ୍ଦ୍ର କାହିଁକି ଚରମ ପଦକ୍ଷେପ ଗ୍ରହଣ କଲେ ସେନେଇ ପରିବାର ବର୍ଗ ପ୍ରକୃତ ସତ୍ୟ ପଦାକୁ ଆଣିବା ଦରକାର  । ନଚେତ୍ ପ୍ରକୃତରେ ଋଣ ଭାର ଓ ଫସଲ ହାନି ଯୋଗୁଁ ଆତ୍ମହତ୍ୟା କରୁଥିବା ଚାଷୀ ନ୍ୟାୟ ପାଇବାରୁ ବଂଚିତ ହେବାର ଯଥେଷ୍ଟ ଆଶଙ୍କା ରହିଛି  ।


    (୩) ସରକାର କହୁଛନ୍ତି ଚାଷୀଙ୍କ ପାଇଁ ହଜାର ହଜାର କୋଟି ଟଙ୍କାର ଋଣ ଦେଉଛନ୍ତି  । ତେବେ ଏହି ଋଣ ଯାଉଛି କୁଆଡେ଼ ? ପ୍ରକୃତ ଚାଷୀ ଋଣ ନେଉଛି କି ? ଯଦି ଋଣ ନେଉଛି ସେହି ଋଣ ପାଇଁ କମିଶନ ଦେବାକୁ ପଡ଼ୁଛି କି ? ଏନେଇ ବି ସରକାର ତଦନ୍ତ କରିବା ଦରକାର  । ସେହିପରି ଜଣେ କ୍ଷୁଦ୍ର ଚାଷୀକୁ କେତେ ଟଙ୍କାର ଋଣ ମିଳେ  । ଏକର ପିଛା ମାତ୍ର ୨୦ ହଜାର ଟଙ୍କା  । ପୁଣି ସେ ଋଣ ବାର୍ଷିକ ୧%ରୁ ୩% ଋଣ ହାରରେ  । ଏହି ଋଣ ଶୁଝିବାକୁ ସୋସାଇଟ୍ ବାଧ୍ୟ କରିବାର ନଜିର ବି ନାହିଁ  । ଯେଉଁମାନେ ନଶୁଝିବେ ସେମାନେ ପରବର୍ତୀ ଋଣ ପାଇବେନି ? ବାସ୍ ଏହାହିଁ ବ୍ୟବସ୍ଥା  । ଚଳିତ ବର୍ଷ ସେ ଟେନସନ୍ ବି ନାହିଁ  । ପୂର୍ବ ଋଣକୁ ମଧ୍ୟମବର୍ତୀ ଋଣରେ ପରିବର୍ତନ କରାଯାଇ ତାହାର ପରିଶୋଧ ସୀମା ୩ ବର୍ଷରୁ ୬ ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇଛି  । ସେହିପରି ସାନି ଋଣ ନେବାର ବି ବ୍ୟବସ୍ଥା ରହିଛି  । ଏପରି କ୍ଷେତ୍ରରେ ଋଣ ବୋଝ କିଭଳି ଚାଷୀକୁ ମାଡ଼ିବସୁଛି ସେନେଇ ଅନ୍ଧାରରେ କି ରାଜନୀତିକ ଦୃଷ୍ଟିକୋଣରୁ ବିଚାର ନକରି ପ୍ରକୃତ ଅନୁଶୀଳନ କରିବା ଦରକାର  । 


    (୪) ଏହି ପରିପ୍ରେକ୍ଷୀରେ ଆଉ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗର ଅବତାରଣା କରାଯାଇପାରେ  । ଚାଷ ପାଇଁ ହାତ ଉଧାରି ଋଣ କଥା କୁହାଯାଉଛି  । ବିଶେଷକରି ଭାଗଚାଷୀମାନେ ଏଭଳି ଋଣ କରୁଥିବା ଚର୍ଚ୍ଚା ହେଉଛି  । ପାଠକମାନଙ୍କୁ ଆମେ ସୂଚାଇ ଦେଉଛୁଯେ, ଅଧିକାଂଶ ଭାଗଚାଷୀମାନେ ଜଳସେଚିତ ଓ ଭଲ ଜମି ଚାଷ କରିନଥା’ନ୍ତି  । କାରଣ ମୂଳ ଚାଷୀ ଭଲ ବିଲରେ ଚାଷ କରେ  । ଯେଉଁ ବିଲରେ ଭଲ ଧାନ ନହୁଏ ସେହି ବିଲ ଭାଗଚାଷୀକୁ ଦେଇଥାଏ  । ସେହିପରି ଭାଗଚାଷୀ ନିଜ ଜମିକୁ ଭଲ ଭାବେ କମଣି କରିବା ପରେ ଯେଉଁ ସମୟ ମିଳେ ସେତେବେଳେ ଭାଗ ବିଲ କଥା ଚିନ୍ତା କରେ  । ଯଦି ବି ଏଥିପାଇଁ ଟଙ୍କା ଖର୍ଚ୍ଚ କରୁଥିବ ତେବେ ଏକର ପିଛା ତାହା ମାତ୍ର ଟଙ୍କା ଦଶ ହଜାର ଭିତରେ ହୋଇଥିବ  । ତେଣୁ ମାତ୍ର ଟଙ୍କା କୋଡ଼ିଏ ହଜାର ପାଇଁ ଚାଷୀ ଆତ୍ମହତ୍ୟା କରିବା ଘଟଣା ବିଶ୍ୱାସଯୋଗ୍ୟ ହେଉନାହିଁ  । କାହିଁକିନା ଝିଅ ବାହାଘର ବେଳେ ବି କ୍ଷୁଦ୍ର ଚାଷୀଟିଏ ୨୦/୩୦ ହଜାର ଟଙ୍କାର ଋଣ କରୁଥିବା କଥାକୁ କେହି ଅସ୍ୱୀକାର କରୁନାହାନ୍ତି  । ଧିରେଧିରେ ସେ ତାହାକୁ ଶୁଝିବାକୁ ଚେଷ୍ଟା କରେ  । କିନ୍ତୁ ଏହି କାରଣରୁ କେହି ଆତ୍ମହତ୍ୟା କରିବାର ଖବର ଅଛି କି ? ଯଦି ନାହିଁ ତେବେ ଫସଲ ହାନି ଯୋଗୁଁ ଚାଷୀ ଆତ୍ମହତ୍ୟାର ଯେଉଁ ଅଭିଯୋଗ ଆସୁଛି ତାହାର ସତ୍ୟତା ନେଇ ପ୍ରଶ୍ନ ଉଠିବା ସ୍ୱାଭାବିକ  । ତେବେ କାଁ ଭାଁ କିଛି ଚାଷୀ ଧାନ ବ୍ୟତୀତ ଅନ୍ୟ ଫସଲ ଚାଷ ପାଇଁ ଋଣ କରି ଚାପରେ ରହୁଛନ୍ତି  । କାରଣ ଅନ୍ୟ ଫସଲ ପାଇଁ ସରକାର ଋଣ ଦେଉନଥିବାବେଳେ ସେଥିରେ ଅଧିକ ଖର୍ଚ୍ଚ କରିବାକୁ ପଡେ଼  । ସେଥିରେ ଲାଭର ସମ୍ଭାବନା ଯେତିକି କ୍ଷତିର ଆଶଙ୍କା ବି ସେତିକି  । ସେକ୍ଷେତ୍ରରେ ଚାଷୀ ଏଭଳି ପଦକ୍ଷେପ ନେଉଥିଲେ ସେଥିରେ ସତ୍ୟତା ରହିଥିବ ବୋଲି ଆମେ ମନେକରୁଛୁ  । କିନ୍ତୁ ଖାଲି ଧାନଚାଷ କରିଯେ, ଚାଷୀ ଫସଲ ହାନି ଯୋଗୁଁ ଆତ୍ମହତ୍ୟା ଭଳି ଚରମ ପଦକ୍ଷେପ ନେଇଥିବ ତାହା ବିଶ୍ୱାସଯୋଗ୍ୟ ନୁହେଁ  ।


    (୫) ପରିଶେଷରେ ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି ପ୍ରତିବର୍ଷ ଅମଳ ଋତୁରେ ଏଭଳି ଅଭିଯୋଗ ଆସୁଥିବାବେଳେ ସରକାର ଯନôବାନ ହେବା ଦରକାର  । ଗ୍ରାମସଭାରେ ଚାଷୀମାନଙ୍କ ସହ କୃଷି ଅଧିକାରୀ ଆଲୋଚନା କରିବା ସହ ଚାଷୀଙ୍କ ସ୍ଥିତି ସଂକ୍ରାନ୍ତୀୟ ରିପୋର୍ଟ ନେବା ଦରକାର  । ମନସ୍ତତ୍ୱବିତ ଓ ଚାଷୀ ନେତାମାନେ ଚାଷୀ କିଭଳି ଆତ୍ମହତ୍ୟା ଭଳି ଚରମ ପଦକ୍ଷେପ ନନେବ ସେଥିପ୍ରତି ଦୃଷ୍ଟି ଦେବାର ଆବଶ୍ୟକତା ରହିଛି  ।

    Maximum 500 characters

    ????????? View all

    Find Us on Facebook