ଟୋକିଓ: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ଜାପାନ ଗସ୍ତରେ ଅଛନ୍ତି । ଆଜି ଟ୍ରମ୍ପ କହିଚନ୍ତି ଉତ୍ତର କୋରିଆ ସହ ଯୁଦ୍ଧ ହେଲେ ତାଙ୍କ ଦେଶ ଜାପାନ ସହ ମିଶିକି ଲଢେଇ କରିବ । ଆମେରିକାର ବ୍ୟାପାରିକ ଅସନ୍ତୁଳନକୁ ଦୂର କରିବାର ଚେଷ୍ଟାକୁ ନିଜର ଗସ୍ତରେ ମହତ୍ତ୍ୱପୂର୍ଣ୍ଣ ଉଦେଶ୍ୟ ବୋଲି ଟ୍ରମ୍ପ କହିଛନ୍ତି । ଏଠାରେ ଉଲ୍ଲେଖନୀୟ ଯେ ଆମେରିକା ଯେଉଁଠି ସାରା ବିଶ୍ୱରେ ସବୁଠାରୁ ବଡ ଅର୍ଥବ୍ୟବସ୍ଥା ଦେଶ ସେ ସମୟରେ ଜାପାନ ମଧ୍ୟ ବିଶ୍ୱର ତୃତୀୟ ଶକ୍ତିଶାଳୀ ଅର୍ଥନୈତିକ ଦେଶ । ଜାପାନ ଓ ଆମେରିକା ଭିତରେ ହେବାକୁ ଥିବା ବାଣିଜ୍ୟ ଆମଦାନୀ ଓ ରପ୍ତାନୀର ବଡ ପ୍ରାର୍ଥକ୍ୟ ରହିଛି । ଜାପାନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କ ସହ ଏକ ବୈଠକ ପରେ ଟ୍ରମ୍ପ କହିଥିଲେ ଉତ୍ତର କୋରିଆ ମାମଲାରେ ରଣନୈତିକ ଧର୍ଯ୍ୟର ସମୟ ଶେଷ ହୋଇଯାଇଛି । ଏବେ ଦୁଇ ଦେଶ ଉତ୍ତର କୋରିଆର ଆକ୍ରମକ   ସ୍ୱଭାବକୁ ଜବାବ୍ ଦେବାପାଇଁ ବିଚାର କରୁଛନ୍ତି । 

Tags : america