Nov 23, 2017
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଆମ ସମସ୍ୟା

ମୁଖ୍ୟ ଖବର

ଅଘୋଷିତ ବିଦୁ୍ୟତ୍ କାଟ ନେଇ ଲୋକେ ହୀନସ୍ତା

Date: Oct 30, 2017    Views: 27


 ଡେରାବିଶ: ଓଡ଼ିଶା ସରକାର ଗ୍ରାମାଞ୍ଚଳର ସମସ୍ତ ପରିବାରଙ୍କୁ ବିଜୁଳି ଯୋଗାଇ ଦେବାକୁ ବିଭିନ୍ନ ଯୋଜନା କରୁଛନ୍ତି । ଏଥିପାଇଁ ଗ୍ରାମାଂଚଳରେ ଥିବା ଗରିବ ଜନସାଧାରଣଙ୍କୁ ବିଭିନ୍ନ ଯୋଜନାରେ ବିଦୁ୍ୟତ୍ ସଂଯୋଗ ଯୋଗାଇ ଦେଉଛନ୍ତି । ହେଲେ ଏହାର ସୁଫଳ ଲୋକମାନଙ୍କର ନିକଟରେ ପହଞ୍ଚô ପାରୁନାହିଁ । ବିଦୁ୍ୟତ୍ ବଂଟନ ଓ ରକ୍ଷଣାବେକ୍ଷଣ ବ୍ୟବସ୍ଥା ଏନ୍ଜେନ୍ ଭଳି ଘରୋଇ କମ୍ପାନୀ ହାତରେ ନ୍ୟସ୍ତ ଥିବାରୁ ସାଧାରଣ ଗରିବଟିଏ ଏହାର ସୁଫଳ ପାଇବା ପରିବର୍ତ୍ତେ ହନ୍ତସନ୍ତ ହେଉଥିବା ଉପକୂଳ ବିଦୁ୍ୟତ୍ ଉପଭୋକ୍ତା ମଞ୍ଚ ପକ୍ଷରୁ ସଭାପତି ଲିପିକା ସ୍ୱାଇଁ ଜିଲା ପ୍ରଶାସନ ନିକଟରେ ଅଭିଯୋଗ କରିଛି । ତାଙ୍କ ଅଭିଯୋଗରେ ଡେରାବିଶ ବ୍ଲକ ଅଂଚଳରେ ଏନ୍ଜେନ୍ କମ୍ପାନୀ ତରଫରୁ ଚାନେ୍ଦାଳ ଠାରେ ତାର ମୁଖ୍ୟ କାର୍ଯ୍ୟାଳୟ କରିଥିବା ବେଳେ ଛତା ଠାରେ ମଧ୍ୟ ଏକ କାର୍ଯ୍ୟାଳୟ ଖୋଲି ଗ୍ରାହକମାନଙ୍କୁ ବିଦୁ୍ୟତ୍ ବଣ୍ଟନ ଓ ରକ୍ଷଣାବେକ୍ଷଣ କାର୍ଯ୍ୟ କରୁଛନ୍ତି । ଏହି ଦୁଇଟି କାର୍ଯ୍ୟାଳୟ ଅଧିନରେ ୧୦ ହଜାରରୁ ଉଦ୍ଧ୍ୱର୍ ଉପଭୋକ୍ତା ରହିଥିବା ବେଳେ ଦିନସାରା ୨୦ଥରରୁ ଉଦ୍ଧ୍ୱର୍ ଅଘୋଷିତ ବିଦୁ୍ୟତ୍ କାଟ ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ୁଛି ।
ଏପରିକି ପ୍ରତ୍ୟେକ ସନ୍ଧ୍ୟାରେ ୭ଟାରୁ ୮ଟା ପର୍ଯ୍ୟନ୍ତ ଏକ ଘଣ୍ଟା ଦୈନିକ ବିଦୁ୍ୟତ୍ କାଟ କରାଯାଉଛି । ଏନ୍ଜେନ୍ କର୍ତ୍ତୃପକ୍ଷ ଜାଣିଶୁଣି ସନ୍ଧ୍ୟାରେ ନିଜର ଏମ୍.ୟୁ ଭରଣା କରିବା ପାଇଁ ପାୱାର କଟ୍ ମଧ୍ୟ କରୁଛନ୍ତି । କମ୍ପାନୀ କର୍ତ୍ତୃପକ୍ଷ ନିଜର କ୍ଷତିକୁ ଭରଣା କରିବା ପାଇଁ ଦିନସାରା ଅବା‚ôତ ଭାବେ ବିଦୁ୍ୟତ୍ କାଟ କରୁଥିବା ବେଳେ ପିକ୍ଅପ୍ ଆୱାର ବିଶେଷକରି ସନ୍ଧ୍ୟା ସମୟରେ ଯେତେବେଳେ ସମସ୍ତଙ୍କର ବିଦୁ୍ୟତ୍ର ବେଶୀ ଆବଶ୍ୟକତା ଥାଏ ସେତେବେଳେ ଘଂଟା ଘଂଟା ଧରି କାଟିଦେଇ ନିଜର ଏମ୍.ୟୁ ବା କ୍ଷତିକୁ ଭରଣ କରୁଛନ୍ତି । ମଞ୍ଚ ସଭାପତି ଲିପିକା ନିଜ ପ୍ରତିକ୍ରିୟାରେ ଏହି କମ୍ପାନୀ ସାଧାରଣ ଉପଭୋକ୍ତାଙ୍କୁ ଇଷ୍ଟିଇଣ୍ଡିଆ କମ୍ପାନୀ ଠାରୁ ଅଧିକ ଶୋଷଣକାରୀ ସଂସ୍ଥା ଭାବେ ଅବିହିତ କରିଛନ୍ତି । ଏହିପରି ଭାବରେ ଯଦି ବିଦୁ୍ୟତ୍ କାଟ କରାଯାଏ ମଞ୍ଚ ପକ୍ଷରୁ କମ୍ପାନୀ ବିରୋଧରେ ଏକ ବଡ଼ଧରଣର ଆନେ୍ଦାଳନ କରାଯିବା ପାଇଁ ନିଷ୍ପତି ନିଆଯାଇଥିବା ସେ କହିଛନ୍ତି । ସେହିପରି ମଞ୍ଚର ସମ୍ପାଦକ ତଥା ବରିଷ୍ଠ ଆଇନଜୀବୀ ବିଧୁଭୂଷଣ ମହାପାତ୍ର କୁହନ୍ତି ରାଜ୍ୟରେ ଶାସନାଧିନ ବିଜେଡ଼ି ସରକାର କେବଳ ନିଜର ଭୋଟ ବ୍ୟାଙ୍କ ପାଇଁ ବିଭିନ୍ନ ଲୋକମାରଣ ଯୋଜନା ମାଧ୍ୟମରେ ଅସାଧୁ କମ୍ପାନୀ ଜରିଆରେ ସାଧାରଣ ଜନତାଙ୍କୁ ଲୁଟିବାରେ ଲାଗିଛନ୍ତି । ବିଦୁ୍ୟତ୍ ବିତରଣ ସଂସ୍ଥା କେବଳ ସରକାରଙ୍କୁ ସନ୍ତୁଷ୍ଟ କରି ଉପଭୋକ୍ତା ମାନଙ୍କୁ ଶୋଷଶ କରିବାରେ ବ୍ୟସ୍ତ ରହୁଥିବାରୁ ଡେରାବିଶ ଅଂଚଳର ଉପଭୋକ୍ତାଙ୍କ ପକ୍ଷରୁ ଆନେ୍ଦାଳନ ଜୋରଦାର କରାଯିବ ବୋଲି ଚେତାବନୀ ଦେଇଛନ୍ତି ।


    

Maximum 500 characters