Nov 23, 2017
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଆମ ସମସ୍ୟା

ମୁଖ୍ୟ ଖବର

ଆମ୍ବୁଲାନ୍ସ ଅଚଳ, ରୋଗୀସେବା ବିପର୍ଯ୍ୟସ୍ତ

Date: Oct 7, 2017    Views: 50


ଛତିଆ: ବଡଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଥିବା ଆମ୍ବୁଲାନ୍ସଟି ଦୀର୍ଘ  ଦିନ ହେବ ଯାନ୍ତ୍ରିକ ତୃଟି ଯୋଗୁଁ ଖରାପ ହୋଇ ପଡିଥିବା ବେଳେ ଏହାର ମରାମତି ନ ହେବାରୁ ରୋଗୀ ସେବା ବିପର୍ଯ୍ୟସ୍ତ ହେଉଥିବା ଅଭିଯୋଗ ହେଉଛି । ସୂଚନା ମୁତାବକ ଯାଜପୁରର ପୂର୍ବତନ ସାଂସଦ ମୋହନ ଜେନାଙ୍କ ଉନ୍ନୟନ ପାଣ୍ଠିରୁ ବଡଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଏହି ଆମ୍ବୁଲାନ୍ସଟି ଯୋଗାଇ ଦିଆଯାଇଥିଲା । ଏହା ଦୀର୍ଘ ଦିନ ଧରି ସେବା ଯୋଗାଇ ଆସୁଥିବା ବେଳେ ରୋଗୀ କଲ୍ୟାଣ ସମିତି ଏହାର ସମସ୍ତ ଦାୟିତ୍ୱ ବହନ କରୁଥିଲା । ଯାହା ଫଳରେ ବଡଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆସୁଥିବା ଗୁରୁତର ରେଗୀଙ୍କୁ ତୁରନ୍ତ କଟକ ବଡ ମେଡିକାଲକୁ ଉନ୍ନତ ଚିକିତ୍ସା ପାଇଁ ତୁରନ୍ତ ସ୍ଥାନାନ୍ତର କରିବାରେ ସହାୟକ ହେଉଥିଲା । ସାପକାମୁଡା,ବିଷ ପିଆ,ଦୁର୍ଘଟଣା ଓ ଜରୁରୀ କାଳୀନ ସେବା ପାଇଁ ଜାତୀୟ ରାଜପଥ କଡରେ ଥିବା ଏହି  ସ୍ୱାସ୍ଥ୍ୟ କେନ୍ଦ୍ରର ସମସ୍ତ ରୋଗୀଙ୍କ ସେବା ଯୋଗାଇବାରେ ସହାୟକ ହେଉଥିଲା । ଏହି ଆମ୍ବୁଲାନ୍ସ ଅଚଳ ହୋଇଥିବା ବେଳେ ବଡଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ କି ରୋଗୀକଲ୍ୟାଣ ସମିତିର କର୍ମକର୍ତ୍ତା ସମସ୍ତଙ୍କ ଦୃଷ୍ଟିରେ ଏହା ପଡୁଥିବା ବେଳେ ଏହାର ମରାମତ କରିବା କାହାର ଦୃଷ୍ଟି ନ ପଡିବା ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି । ଏହି ସ୍ୱାସ୍ଥ୍ୟ କେନ୍ଦ୍ରକୁ ଷ୍ଟେଟ ବ୍ୟାଙ୍କ ତରଫରୁ ଏକ ଆମ୍ବୁଲାନ୍ସ କିଛି ବର୍ଷ ପୂର୍ବେ ଯୋଗାଇ ଦିଆଯାଇଥିବା ବେଳେ ଏଠାରେ ଏହି ଆମ୍ବୁଲାନ୍ସଟି ଥିବା ଯୋଗୁଁ ତାହାକୁ ବାଉଁଶମୂଳୀ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନନ୍ତର କରାଯାଇଥିଲା । ଏହାର ଦାୟିତ୍ୱ ମଧ୍ୟ ଏକ ସ୍ୱେଚ୍ଛାସେବୀ ଅନୁଷ୍ଠାନକୁ ଦିଆଯାଇଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି । ହେଲେ ଏବେ  ଏହା କେଉଁଠାରେ  ଅଛି ତାହାର ଖୋଜ ଖବର ନାହିଁ । ବଡଚଣାରେ ଏହା ଆବଶ୍ୟକତା ଥିବା ବେଳେ ଏଥିପ୍ରତି ବଡଚଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଦୃଷ୍ଟି ଦେବାକୁ ଦାବି ହେଉଛି ।


    

Maximum 500 characters