Nov 17, 2017
Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ସଂସ୍କୃତି

ମୁଖ୍ୟ ଖବର

ମାଆ ମହାଲକ୍ଷ୍ମୀଙ୍କ ଆବାହନ ପାଇଁ ସାରା ରାଜ୍ୟ ଉତ୍ସବ ମୁଖର

Date: Oct 5, 2017    Views: 50


ଭୁବନେଶ୍ୱର: ଆଶ୍ୱିନ ପୂର୍ଣ୍ଣିମା ଅବସରରେ ମାଆ ମହାଲକ୍ଷ୍ମୀଙ୍କ ଆବାହନ ପାଇଁ ସାରା ରାଜ୍ୟ ଉତ୍ସବ ମୁଖର ହୋଇ ଉଠିଛି  । ଗଜଲକ୍ଷ୍ମୀ ପୂଜା ପାଇଁ ପ୍ରସିଦ୍ଧ ଢେଙ୍କାଳାନ, କେନ୍ଦ୍ରାପଡା, ଅନୁଗୁଳ, ତାଳଚେର ଆଦି ସହର ଚଳଚଞ୍ଚଳ ହୋଇ ଉଠିଛି । ସୁଉଚ୍ଚ ତୋରଣ, ରଙ୍ଗୀନ ଆଲୋକମାଳା ଓ ସୁସଜ୍ଜିତ ପୂଜା ମଣ୍ଡପରେ ମାଆଙ୍କ ପୂଜା ଆରାଧନା କରାଯାଉଛି । ଢେଙ୍କାନାଳ ସହରରେ ୩୯ଟି ପୂଜା ମଣ୍ଡପରେ ସାର୍ବଜନୀନ ଗଜଲକ୍ଷ୍ମୀ ପୂଜା ଅନୁଷ୍ଠିତ ହେଉଛି । ସୁରକ୍ଷା ଓ ଆଇନ ଶୃଙ୍ଖଳା ବ୍ୟବସ୍ଥାକୁ ଦୃଷ୍ଟିରେ ରଖି ପୁଲିସ ପକ୍ଷରୁ ସହରରେ ୧୮ ପ୍ଲାଟୁନ ଫୋର୍ସ ମୁତୟନ କରାଯାଇଥିବା ଜଣାପଡିଛି  । ଆଜି ମଧ୍ୟ ରାଜ୍ୟର ପୁରପଲ୍ଳୀରେ କୁମାର ପୂର୍ଣ୍ଣିମା ପାଳନ କରାଯାଉଛି  । କୁମାରୀ କନ୍ୟାମାନେ ନୂତନବସ୍ତ୍ର ପରିଧାନ ପୂର୍ବକ ବାଳ ସୂର୍ଯ୍ୟଙ୍କୁ ଆଞ୍ଜୁଳି ଟେକି ପୂଜା କରିଥିବା ବେଳେ ସନ୍ଧ୍ୟାରେ ବାଳ ଚନ୍ଦ୍ରଙ୍କୁ ପୂଜା କରିବା ପାଇଁ ପ୍ରସ୍ତୁତି ଚଳାଇଛନ୍ତି । ପୌରାଣିକ ତଥ୍ୟ ଅନୁସାରେ ଦେବଦେବ ମହାଦେବ ଓ ମାତା ପାର୍ବତୀଙ୍କର ପୁତ୍ର କାର୍ତ୍ତିକେୟଙ୍କର ଆଜି ହେଉଛି ଜନ୍ମଦିନ  । ତେଣୁ କାର୍ତ୍ତିକେୟଙ୍କ ଭଳି ସୁନ୍ଦର ଓ ସୌମ୍ୟ ବର ପାଇବା ପାଇଁ କୁମାରୀମାନେ ଏହି ଓଷା ତଥା ବ୍ରତ କରିଥାନ୍ତି ବୋଲି ବିଶ୍ୱାସ କରାଯାଏ ।


    

Maximum 500 characters